စက်တင်ဘာမိုး
အေးခဲစွာကျဆုံးခဲ့သောအကြောင်းအရာတွေကို တူးဖော်ဖို့အတွက်အင်အားမရှိရိုးအမှန်ပါ ။ ခံစားချက်နဲ့တိုက်ဆိုင်ဖူးတဲ့တေးသွားတစ်ပုဒ်ကို အကြောင်းမဲ့သက်သက် တစ်ပတ်ပြီးတစ်ပတ်ကျော့နေမိရုံနဲ့ အဟောင်းတွေအသစ်မဖြစ်နိုင်ဘူးလေ ။ အဝေးထွက်သွားသူတစ်ယောက်ရဲ့အကြောင်းကိုပြောရမယ်ဆိုရင် စွယ်တော်ရွက်ကြွေတချို့ကိုအရင်ဆုံးမြင်ယောင်ရင်း နှစ်လွှာပေါင်းရင်တောင် တစ်ရွက်ဖြစ်ခွင့်မရရှာတော့တဲ့ တစ်ခြမ်းပဲ့စွယ်တော်ဘ၀မှာ အမည်နာမတစ်ခုသာ တစ်ဖက်သတ်ကျန်ရစ် ။ စက်တင်ဘာရဲ့မိုးစက်တွေကတော့ အလွမ်းတွေကိုပင့်သက်တကြွေခြွေချလို့ ။ ကြယ်တွေကိုမျှော်ရင်း တိတ်တိတ်ကလေးဆုတောင်းပြီး ပြိုးပြိုးပြက်ပြက်ရင်ခွင်ထဲတစ်ယောက်ထဲသာလင်းကျန်ရစ်တယ်။ နွေးထွေးမှုမရှိတော့တဲ့အပြုံးတွေနောက်မှာ တကယ်ပါ..ခံစားချက်အရောင်တွေကိုသိချင်လွန်းလို့အရဲစွန့်စွာစကားဆိုခဲ့တာပါ ။ ရှောင်ပုန်းဖို့ရည်ရွယ်ခဲ့ရင် ဘာကြောင့်လဲဆိုတဲ့မေးခွန်းကိုအရင်ဆုံးဖြေခဲ့ပါဦး ။ အကြည့်စူးစူးတွေရဲ့ဘာသာစကားမှာ နားလည်ခွင့်မရှိတဲ့သင်ရိုးညွှန်းတမ်းကိုပြဌာန်းထားမှန်းမသိနိုင်ခဲ့ ။ မိန်းကလေးတစ်ယောက်ရဲ့ရင်ခွင်လွဲမှတ်တမ်းမှာ ဧည့်သည်သရုပ်ဆောင်အဖြစ်သာ ရည်ရွယ်ခဲ့ရင် အိပ်မက်အလွမ်းတွေနဲ့ဇာတ်လမ်းမပေးသင့်ခဲ့ဘူးလေ။ ကတိက၀တ်မပါတဲ့ရင်တွင်းစာချုပ်ကို တစစီခြေမှုန်းခဲ့တယ် ။ခပ်လွင်လွင်ရယ်သံတွေကို ဆွေးမြေ့စွာလုပ်ယူရင်း ပါဝင်ခွင့်မရတော့တဲ့ဇာတ်လမ်းတစ်ခုကိုအဝေးကထိုင်ကြည့်နေရုံပါ ။ ခပ်ပြင်းပြင်းနာကျင်ခြင်းမျိုးနဲ့ပြတ်သားချင်ခဲ့ပါရဲ့။ အိပ်မက်ဆန်တဲ့အတိတ်ရက်တွေကို အနာတရရှင်သန်ခြင်းကလွဲရင်ဖြတ်သန်းဖို့အင်အားမဲ့ ။ […]