Art, Craft နှင့်ရောက်တတ်ရာရာ

ခုတလော art တို့ craft တို့ကိုအရမ်းစိတ်ဝင်စားနေတော့ အချိန်ရှိတိုင်း craft blog တွေဖတ်ဖြစ်ပါတယ် ။ မီးခြစ်ဆံဗူးသာသာအခန်းလေးကို စိတ်တိုင်းကျပြင်ချင်ပေမယ့် အချိန်မရတော့ ရတဲ့အချိန်လေးမှာ craft ဆိုင်လေးတွေကိုငေးဖြစ်ပါတယ်။ craft ပစ္စည်းတွေက ဈေးအရမ်းကြီးတော့ ငွေပိုအကုန်မခံချင်တာနဲ့မ၀ယ်ဖြစ်ပါဘူး ။ ဒီရက်ပိုင်းမှာ ကျမအတောင့်တဆုံးအရာက ဖယောင်းတိုင် ။ ရောင်စုံ ဖယောင်းတိုင်တွေဝယ်ပြီးထွန်းချင်တာပါ ။ ဧည့်ခန်းထဲမှာ ထိုင်နေတုန်း ဖယောင်းတိုင်လေးထွန်းပြီးနေချင်တယ် ။ အိပ်ခန်းထဲမှာလည်း အဲကွန်းမဖွင့်ခင် ဖယောင်းတိုင်လေးထွန်းပြီး အလှအပကိုခံစားချင်တာပါ ။ ခက်တာက ကျမနေတဲ့အိမ်နားက ဈေးမှာ ရောင်စုံဖယောင်းတိုင်တွေကမရှိ ။ သာမန်ဖယောင်းတိုင်ရယ် တရုတ်ဘုရားမှာထွန်းတဲ့ အနီရောင်ဖယောင်းတိုင်ရယ်ပဲရှိတာပါ ။ ကျမလိုချင်တာက scented candle လို့ခေါ်တဲ့ အမွှေးနံ့ပါတဲ့ဖယောင်းတိုင် ။ ဒီတော့ လိုချင်တာ တစ်ပတ် ၊ နှစ်ပတ်ကျော်သွားတဲ့ ကျမလိုတဲ့ ဖယောင်းတိုင်က ရှာမရပါဘူး ။ တစ်နေ့က ၂ ကျပ်တန် daiso ဆိုင်ကိုရောက်တော့ ကျမလိုချင်တဲ့ ဖယောင်းတိုင်တွေထားတဲ့ အတန်းကိုရောက်ရော ထခုန်မတတ်ကိုဝမ်းသာမိတာပါ ။ ကျမလိုချင်တာတွေအများကြီး ။ ဖယောင်းတိုင် ၊ ပန်းခြောက် ၊ အမွှေးအိတ် စတဲ့ ပစ္စည်းတွေဝယ်လာပါတယ်။ ဒိုင်ဆိုက quality လည်းမဆိုး ၊ ဈေးလည်းသက်သာတော့ ၀ယ်ပျော်ပါတယ် ။ ပေါချောင်ကောင်းလေးတွေနဲ့ ကျမရဲ့ မီးခြစ်ဆံဗူး ကမ္ဘာလေးကို ပြင်လိုက်တာ စိတ်တော်တော်ကျေနပ်သွားပါတယ်။ ထူးထူးဆန်းဆန်းပြင်ထားတာမဟုတ်ပေမယ့် ၀ယ်လာတဲ့ပစ္စည်းလေးကိုနေသားကျအောင်ချလိုက်တာနဲ့တင် စိတ်က တော်တော်ကိုကျေနပ်သွားတာပါ ။   ညနေခင်းတစ်ညနေလုံးကို ဖယောင်းတိုင်လေးထွန်းပြီး ကော်ဖီတစ်ခွက်နဲ့စာအုပ်ဖတ်ပါတယ် ။ ဘယ်လောက်သာယာလိုက်လဲနော် ။

ဧည့်ခန်းက စားပွဲခုံလေးမှာတင်ပြီး အလှဆင်ထားတာပါ ။

10422500_10203028680375085_8962099647017476764_n

အိပ်ခန်းက ကျမရဲ့ခုံလေးပေါ်မှာတင်ထားတာ

8939_10203028681175105_2131756160657198265_n

1477762_10203028680975100_1072363434404667591_n

1457599_10203028680575090_1585907322862235368_n

 

 

အခုတလော အရောက်ကျဲတဲ့ စာဖတ်ခုံ (ဒီရက်ပိုင်းစာမကျက်ဖြစ်ဘူး)

10734122_10203028681535114_5772668668040113744_n

 

လိုချင်တဲ့ဖယောင်းတိုင်တွေရလာတော့ နောက်ရောဂါတစ်ခုက ထပ်တိုးလာပါတယ် ။ အဲဒီရောဂါက အကျီချုပ်ချင်တဲ့ရောဂါ ။

ကျမရဲ့ ဦးလေးနဲ့အဒေါ်က နယ်မှာအပ်ချုပ်ဆိုင်ဖွင့်ကြပါတယ် ။ ကျမတို့ငယ်ငယ်က အ၀တ်စနဲ့လုပ်တဲ့ ယမင်းရုပ်လေးတွေခေတ်စားတော့ အရုပ်ချစ်တဲ့ကလေးတွေဟာ အပ်ချုပ်ဆိုင်တွေမှာ အ၀တ်စတွေသွားကောက်ကြပါတယ် ။ ကိုယ်နဲ့မသိတဲ့ဆိုင်တွေကဆိုရင် မကောင်းတဲ့အ၀တ်စတွေပဲ ကလေးတွေကိုပေးပေမယ့် ကျမတို့မှာကျတော့ ဦးလေးနဲ့အဒေါ်ဆိုင် ဆိုတော့ သွားကောက်စရာမလိုပါဘူး ။ အကျီချုပ်လို့ထွက်လာတဲ့အစမှန်သမျှကို ခြင်းတစ်လုံးထဲစုထည့်ထားပြီး ကျမတို့သွားရင် လိုချင်တဲ့အရောင်တွေသွားနှိုက်ရုံပါ ။ တခြားဆိုင်တွေကမပေးရတဲ့အကြောင်းရင်းကလဲ နယ်ဘက်ဆိုတော့ အစစအရာရာချွေတာကြပါတယ် ။ပိုတဲ့ခပ်ကြီးကြီးအစလေးတွေကို စပ်ပြီး ခြေသုတ်ဝတ် ၊ လှိုက်ကာ ၊ စပ်အကျီ ၊ စပ်ထမီတွေလုပ်ပြီး ရောင်းလို့ရတာမို့ပါ ။

တီတီဆွိရဲ့ စပ်ထမီ –  photo credit to ttsweet

စပ်ထမီဆိုတာက ပိုတဲ့အစလေးတွေ (ပါတိတ် ၊ ဘီဘဲလ်) ကို စုပြီး နောက်ထပ်ထမီတစ်ထည်အဖြစ်အသွင်ပြောင်းခြင်းပါ ။ စပ်အကျီ စပ်ထမီကိုမရှိရှားပါးတဲ့သူတွေကတော့ အကျီမ၀ယ်နိုင်လို့ဝတ်ရသလို ၊ ချမ်းသာတဲ့လူတွေကျတော့ စတိုင်ထုတ်ပြီးဝတ်ကြပါတယ် ။ ဘီဘဲလ်ထမီကိုရောင်စုံဝယ်ဝတ်ပြီး ဘီဘဲလ်ထမီက ရှည်တော့ အောက်ပိုင်းကိုဖြတ်ပြီး စပ်ထမီချုပ်ဝတ်ကြတဲ့ခေတ်တစ်ခုရှိခဲ့ဖူးပါတယ် ။ ကျမတို့လို ၈၀ နဲ့ ၉၀ ကြားမှ မွေးတဲ့သူတွေက မ၀တ်ဖူးကြပေမယ့် လူကြီးမိဘတွေဝတ်ကြတာကို မှီလိုက်ကြပါတယ် ။ ဒါကြောင့် ကျမတို့အရွယ်တွေတော်တော်များများစပ်ထမီအကြောင်းကိုသိကြပါတယ် ။ ပြန်ဆက်ရရင် စပ်ထမီ ၊ စပ်အကျီ  ဆိုတာ အထည်အပ်တဲ့သူတွေအတွက်ရော  ချုပ်တဲ့သူတွေအတွက်ပါ အဆင်ပြေတဲ့ win win အခြေအနေတစ်ခုပေါ့ ၊ အပ်တဲ့သူဖက်ကလည်း အကျီကပိုလို့ကျန်တဲ့အစမို့ သူ့အတွက်အပန်းမကြီး..လုပ်ချင်တာလုပ်ပေါ့..။ အပ်ချုပ်ဆရာဖက်ကလည်း အဲလိုအစပိုလေးတွေကို အကျီလေးတွေစပ်ပြီးချုပ်ပေးရတာလက်ဝင်ပေမယ့် အိမ်က မိသားစုအတွက် ထမင်းတစ်နပ်စာရတာမို့ အစပိုဟူသမျှ စပ်ပြီးအကျီချုပ်ဖို့သိမ်းထားတတ်ကြပါတယ်။

ကျမတို့အတွက်ကျတော့ အဒေါ်တို့ဦးလေးတို့တွေ ကိုယ့်တူမမို့ သူတို့ စပ်ထမီလုပ်ဖို့စုထားတဲ့အစတွေကိုထုတ်ပေးပါတယ်။ ယမင်းရုပ်ခေါင်းအတွက် အနက်ရောင်အစလိုရင်လည်း ထမီ အထက်ဆင်ကနေ ဖြတ်ပေးတတ်ပါတယ် ။  အဲဒါကိုသိနေတဲ့ အမေက အ၀တ်စသွားသွားတောင်းတတ်တဲ့ ကျမတိုခဏခဏဆူပါတယ် ။  ဒါပေမယ့် အမေဘယ်လောက်တားတား အားနာရကောင်းမှန်းမသိတဲ့အရွယ်မို့ အရုပ်လိုချင်တာနဲ့ ဦးလေးဆိုင်မှာ အစသွားယူ၊ ဆိုင်မှာပဲ အရုပ်လုပ် ၊ ထမီအထက်ဆင်စကိုဖြတ်ပြီး ဆံပင်အမဲလုပ် ၊ အစခပ်ကြီးကြီးတွေကို အကျီနဲ့ ထမီချုပ် ၊ ချည်လုံးထဲကချည်တွေယူပြီးကြိုးတွေကျစ်ကာ အရုပ်လုပ်ပြီး စိတ်တိုင်းကျဆော့ခဲ့ဖူးပါတယ် ။ အသက်နည်းနည်းလေးကြီးလာတဲ့အချိန်မှာတော့ အားနာ သိတတ်စိတ်လေးရှိလာပြီမို့ အရင်တုန်းကလို စိတ်ကူးပေါက်တိုင်းယူယူမဆော့ဘဲ ဦးလေးဆိုင်မှာကူတတ်လာပါတယ် ။ ကျမဦးလေးက ကျမတို့ဇာတိမြို့လေးမှာ လက်ရာအကောင်းဆုံး အပ်ချုပ်ဆရာ ၊ ယောက်ျားဝတ်အကျီကိုသူ့လောက် ဘယ်သူမှပုံကျအောက်မချုပ်တတ်ပါဘူး ။ မိုးမျာတဲ့ဒေသမို့ မိုးကိုအန်တုဖို့  မိုးကာ ဖျင် တာလပတ်စတွေကိုချုပ်တဲ့နေရာမှာလည်းသူက နာမည်ကြီး ။  မိုးကာအကျီတွေကိုလည်းချုပ်တာမို့ မိုးရာသီနီးရင် သူတို့အလုပ်ရှုပ်ကြပါတယ် ။ နွေရာသီအားရင် သူတို့ဆိုင်ကိုသွားသွားလည်တတ်တာမို့ မြင်နေရင်းကနေ နည်းနည်းပါးချုပ်တတ်သွားပါတယ်။ ပထမဆုံး စက်နင်းတတ်အောင်သင်ပေးပါတယ် ။ နောက်ပြီး ကော်လံကော်ကပ်နည်း ၊ ဇစ်တပ်နည်း ၊ သားရေကြိုးတပ်နည်း ၊ ခေါင်းအုံးစွပ်ကြိုးလုပ်နည်း ၊ လက်ချုပ် ချုပ်နည်း ၊ ထမီချုပ်နည်း ၊ ပုဆိုးချုပ်နည်း ၊ ဓားစက်လိုက်နည်းစတာတွေကို မြင်ရင်းကနေ လုပ်တတ်သွားပါတယ် ။ တခါတလေ ဘယ်သူမှမရှိတဲ့အချိန်ကျရင် ဆိုင်စောင့်ရင်း  ခုနစ်တန်း ရှစ်တန်းကျောင်းသူကျမ ၀င်ဝင်ကျဲတတ်တာမို့ ချုပ်တတ်သွားတာပါ ။

နောက်ပိုင်းမှာ ရယ်ဒီမိတ်တွေခေတ်စားလာတော့ ဦးလေးတို့မိသားစုတွေလည်းတော်တော်စီးပွားရေးကျပ်တည်းလာပါတယ်။ လူတွေက ရယ်ဒီမိတ်ကိုမှလှတယ်ထင်လာကြတော့ အပ်ချုပ်ဆိုင်တွေစီးပွားရေးကျကုန်တာပါ ။ ဒါပေမယ့်လည်း မိုးရာသီနီးရင်ထုံးစံအတိုင်း တာလပတ်တွေ ၊ ကျောင်းစိမ်းအကျီတွေ ချုပ်ကြတာမို့ သူတို့အပ်ချုပ်ဆိုင်လေးက သက်ဆိုးရှည်ပြီး သားသမီးနှစ်ယောက်ကိုစာတတ်ပေတတ်ဖြစ်အောင်သင်ပေးနိုင်ခဲ့ပါတယ် ။ ဒီဘက်ခေတ်မှာသာ hand made ဆိုပြီးခေတ်စားလာလာကာ ဈေးခေါင်ခိုက်အောင်ကြီးပေမယ့် လွန်ခဲ့သောဆယ်စုနှစ်တစ်ခုစာလောက်က နယ်မြို့က အပ်ချုပ်ဆိုင်လေးတွေ ရယ်ဒီမိတ်ဒဏ်ကိုတော်တေ်ာလေးခံခဲ့ရတာပါ ။ ဆက်ပြောရရင် အဲဒီထဲက ပါလာတဲ့ အကျီချုပ်တဲ့ဝါသနာလေးဟာ ဒီနှစ်ပိုင်းထဲရင့်ရင့်သန်သန်ကိုဖြစ်လာတာမို့ အပ်ချုပ်စက်လေးတစ်လုံးဝယ်ရင်ကောင်းမလားဆိုပြီး web page တကာကိုလှန်ပြီးအပ်ချုပ်စက်တွေလိုက်ရှာဖြစ်ပါတယ် ။ ဈေးအနေနဲ့ကြည့်ရရင် တော်တော်လေးကိုပေါတာမို့ အဲဒီခေတ်အခြေအနေနဲ့နှိုင်းယှဉ်ကြည့်မိပါတယ် ။ ကျမတို့ဦးလေးတို့မိသားစုမှာ အပ်ချုပ်စက် တစ်လုံးကနေ နောက်တစ်လုံးဝယ်ဖို့ကို နှစ်ရှည်လများပိုက်ဆံစုရပါတယ် ။ ဓားစက်လေးတစ်လုံးဝယ်ဖို့အရေးကို အသုံးစရိတ်ထဲက ပိုက်ဆံလေးတွေ ဖဲ့ပြီးတော့ နှစ်ပေါက်နေအောင်စုပြီးမှ မြို့ကိုတက်ပြီးသွားဝယ်ရပါတယ် ။ Singer တံဆိပ် ဓါးစက်တစ်လုံးရှိလာတော့လည်း  ကိုယ်လည်းသုံးရတဲ့အပြင် အနီးအနားကဆိုင်တွေကပါ လာပြီးအပ်ကြတော့ အပိုဝင်ငွေလေးပါရတာမို့ ဓားစက်ကလေးကို ယုယုယယနဲ့ အမြတ်တနိုးဖြစ်ရတဲ့ဦးလေးလင်မယားမျက်နှာကိုအခုထက်ထိမြင်ယောင်မိပါသေးတယ် ။ ကျမတို့ ဒီဘက်ခေတ်မှာ အပျော်တမ်းအတွက် mini sewing machine ၀ယ်မလား ၊ ပရို ၀ယ်မလား ကြိုက်တာကိုဝယ် အလုံးမထည်မပျက် ၊ ငွေကိုဖဲ့စုစရာမလိုဘဲဝယ်နိုင်ပါတယ် ။ handmade တွေဆိုရင်လည်း ဈေးအရမ်းကြီးတာမို့ သုံးတဲ့သူတွေလည်းအမြတ်တနိုးသုံးကြသလို ၊  handmade ဈေးကွက်တွေလည်းအရမ်းတွင်ကျယ်လာပါတယ်။ handmade ဆိုတာ luxury product ဆိုတဲ့အနေအထားကို တခြားနိုင်ငံတွေမှာရောက်နေပေမယ့် ကျမတို့နိုင်ငံမှာရော ကျမတို့ဦးလေးမိသားစုလို ဆင်းဆင်းရဲရဲ အပ်ချုပ်ဆရာတွေရှိနေဦးမှာလား ၊ ပါချီပါချက်ဆိုင်ကလေးမှာ မိုးဦးကျမှ အူစိုရမယ့်မိသားစုတွေ ဘယ်လောက်ရှိနေဦးမှာလဲ ။ နယ်ပယ်တိုင်းမှာကျွမ်းကျင်ကြတဲ့ ပညာသည် ၊ ပညာသင်အသီးသီးအတွက် လူတန်းစေ့ဆိုတဲ့အခွင့်အရေးတစ်ခု ၊ ၀င်ငွေနဲ့ထွက်ငွေမျှတမယ့် အနေအထားတစ်ခုကို အမြန်ဆုံးရောက်လာပါစေလို့သာ ။ ။

 

ပိုစ့်ရေးဖို့ tag တဲ့ မြတ်ကြည် နဲ့ ညီမashley myat ကို ဒီပိုစ့်လေးနဲ့အကြွေးဆပ်ပါတယ်ရှင့် ။

ချစ်ခင်လျက်

ဆုမြတ်

 



4 thoughts on “Art, Craft နှင့်ရောက်တတ်ရာရာ”

  • ဖယောင်းတိုင်ကြိုက်တာတူတယ်ဆုမြတ်လေးရေ
    အိမ်မှာလဲ ဖယောင်းပုလင်းလေးတွေ ကိုယ်ကြိုက်တဲ့အနံ့လေးရှာပြီးမကြာခဏထွန်းတတ်တယ် စပ်ထမီဆိုလို့ငယ်ငယ်ကချုပ်ဖူးတယ်အဖွားကချုပ်ခိုင်းလို့ အဖွားကိုလဲပြန်သတိရနေတာ

  • မြတ်ကြည်ကတော့ ဘယ် handmade မဆို မြတ်နိုး တန်ဖိုးထားတတ်တယ်။ သူငယ်ချင်းတွေကို လက်ဆောင်ပေးရင်လည်း handmade လေးတွေပဲ လုပ်ပေးဖြစ်တာများတယ်။ အပ်ချုပ်တာကတော့ အဖွားမှာ စက်တလုံးရှိတော့ အားရင်အားသလို လက်ကမြင်းတာပေါ့နော်။ ဖြစ်ဖြစ်မြောက်မြောက်တော့ မဟုတ်ဘူး။ Challenge လေး ရေးပေးလို့ကျေးဇူး။ 🙂

  • ဆုမြတ်ပြောတဲ့ အဲဒီခေတ်ကိုအမတို့ကကောင်းကောင်ူးမှီလိုက်တယ် အဘွားချူပ်ပေးတာလေ ၁၂ နှစ်လောက်အထိ အဲလုံချည်လေးတွေကိုသဘောတကျနဲ့အိမ်မှာနေရင်းဝတ်ဖြစ်တယ်ဟမ်းမိတ်ဆိုကိုယ်တိုင်ကစိတ်ဝင်စားလို့လားမသိဘူးအရမ်းတန်ဖိုးထားတယ် ကိုယ်တိုင်လဲစိတ်ဝင်တစားလုပ်ဖြစ်တယ်

  • မြတ်က စက်လည်း မချုပ်တတ်ဘူး
    handmade တွေလည်း ကောင်းကောင်းမလုပ်တတ်ဘူး
    ဒါပေမယ့် handmade လေးတွေဆိုရင် ပိုတန်ဖိုးထားတယ် ချစ်တယ်
    Tag ပိုစ့်လေး ရေးပေးတဲ့အတွက် ကျေးဇူးပါရှင့် အစ်မဆုမြတ်ရေ 🙂

Leave a Reply

Your email address will not be published.