လေးရာတန်ညနေခင်းက ခပ်ထူထူ

တဒီးဒီးအသံတွေကြားမှာ
MRT ဘေးက တရုတ်နဂါးတွေကတယ်
မဆီမဆိုင်လမ်းတွေကလည်းပြင်သေးတယ်
နားပြင်းကတ်တယ်
လေးရာတန်နွေခေါင်ခေါင်ကပူလွန်းတယ်ကွယ်
စီးကရက်နံ့တထောင်းထောင်းထနေတဲ့မနက်ခင်းခပ်ဖျော့ဖျော့က
ဆယ့်ငါးမိနစ်စာပဲအချိန်ရတယ်
ကိုးရီးယား ၊ အင်္ဂလိပ် ၊ မြန်မာ
တပုဒ်ပြီးတစ်ပုဒ်ကျော်ချလိုက်တာ…..ရည်းစားအပုဒ်မှာရပ်တယ်
ဘ၀ဆိုတာ မနက်ခြောက်နာရီထ ညရှစ်နာရီခွဲမှာအိမ်ပြန်ရောက်တဲ့ကဗျာ
မနေ့ကလည်းနေသာပါရဲ့
အိမ်မှာတော့ပြသနာကောင်မ အပြင်ရောက်မှပြသနာရှင်းရတယ်
ခက်တယ် ခက်တယ်
အသံတွေကြားတိုင်းငိုချင်တယ်
ဒီအသံတွေကြားတိုင်းငိုချင်တယ်
ဒီလိုအသံတွေကြားတိုင်းငိုချင်တယ်
တဒီးဒီးအသံတွေကြားမှာ
MRT ဘေးက တရုတ်နဂါးတွေကပြန်တယ်
အပေး=အယူ
လကုန်တိုင်းသုံးဆတိုးလာတဲ့ balance မျက်နှာကိုကြည့်(နေ)ရတဲ့
ခပ်ထူထူအတွေး(တကယ်တော့အပေါစားအတွေး)ထက်
ရှိတာလေးနဲ့ရောင့်ရဲတတ်တဲ့
(တတ်နိုင်ရင်အသိပညာမရှိတဲ့ ၊ လိုချင်တပ်မက်ခြင်းတွေမရှိတဲ့)
အလေနတော…အတွေးအခေါ်မရှိတဲ့မိန်းမတစ်ယောက်ပဲဖြစ်ချင်တယ်
မိုးရွာတယ် ၊ နေပူတယ်
ဥသြငှက်တစ်ကောင်က လွမ်းစရာမကောင်းလောက်အောင်ရင်ခြစ်အော်တော့
ဘ၀ကြီးကို အော်ဂလီဆန်တယ်
အနာဖေးခွာခွာမိတဲ့ညနေခင်းတွေဆိုရင် သီချင်းတွေမှိုတက်
နှလုံးသားက ဖက်ခွက်စားအနုပညာဓာတ်တွေ ဦးဏှောက်ထဲကိုယိုကျတယ်
Please Leave Voice Message လို့အသံမြည်တတ်တဲ့ —-7659 ကိုအခါခါနှိပ်
ညနေခင်းကိုပဲချော့သိပ်လိုက်တယ် … Good Night!!!

၂၀၁၂ ဖေဖော်ဝါရီလမှာရေးဖူးခဲ့တဲ့ကဗျာလေးကို ပြန်တင်လိုက်ပါတယ်။



5 thoughts on “လေးရာတန်ညနေခင်းက ခပ်ထူထူ”

Leave a Reply

Your email address will not be published.