ကျေးဇူးတင်ပါတယ်

မေလထဲမှာပဲ ကိုယ့်အသက် ၂၉ နှစ်ပြည့်သွားပြီ ။ နောက်နှစ်ဆိုရင် ထိပ်စီးစပြောင်းပြီး ။ ဒီအသက် ၂၀ ကျော်အတွင်း ကိုယ့်ဘ၀ထဲမှာကျေးဇူးတင်ရမယ့်သူတွေကို ရေတွက်ကြည့်ရင်တော်တော်များတာပဲ ။ အဲဒီထဲကမှ ကိုယ်နဲ့အဝေးမှာရှိပေမယ့် စေတနာသက်သက်နဲ့ ကိုယ့်တောင်းတဲ့အကူအညိမှန်သမျှကို တတ်နိုင်သလောက်ဖြည့်ဆည်းပေးကြတဲ့ ကိုယ့်ဘ၀ထဲက လူတစ်ချို့အကြောင်းကိုရေးပြချင်တယ်။

2014 တည်းက ကျောင်းကိစ္စနဲ့ ပက်သက်သမျှ ဘာမဆို ကူညီပေးခဲ့တဲ့ Grace ဆိုတဲ့ အန်တီတစ်ယောက်ရှိတယ် ။ သူကတော့ ကိုယ်တို့ course ရဲ့ ကျောင်းသားရေးရာကိစ္စဟူသမျှကို တာဝန်ယူပေးတဲ့သူပေါ့ ။  ဒီ course ကို မကြိုက်လို့ မတက်ချင်ဘူးဆိုလို့ တက်လက်စကို ပြီးအောင်တက်ဖို့ နားချပေးဖူးတယ် ။ ကျောင်းတက်တုန်း course add/ drop ကိစ္စတွေ ၊ dissertation အတွက် survey အတွက်၊ ပရော်ဖက်ဆာ ကောင်းကောင်းရွေးဖို့အတွက် အားလုံးကို သူကူညီပေးခဲ့တယ် ။ ကျောင်းပြီးလို့ ခုချိန်ထိတောင် လိုအပ်ရင် အချိန်မရွေးသူ့အကူအညီယူရတုန်းပဲ ။ သူ့ကို အပြင်မှာမမြင်ဖူးဘူး ။ ဖုန်းနဲ့ အီးမေးလ်နဲ့ ကိုယ်ပူဆာသမျှ ကိုယ်တောင်းသမျှအကူအညီကိုပေးတဲ့ Grace ကို ကျေးဇူးတင်ကြောင်း လူကိုယ်တိုင်မပြောဖူးသေးဘူး ။ ဘ၀မှာ ဘယ်လိုအခြေအနေ ဘယ်လိုအခက်အခဲကြုံကြုံ ကိုယ့်အပေါ်ယုံကြည်မှုတစ်ခုထားပြီး ကိုယ့်ကို တန်ဖိုးထား အလေးထားတဲ့ သူတွေရှိတာလည်း ကံကောင်းခြင်းတစ်ခုပဲမလား ။ တာဝန်အရပဲဖြစ်ဖြစ် ၊ သူ့အလုပ်မို့လို့ပဲဖြစ်ဖြစ် ၊ ဘာကြောင့်ပဲဖြစ်ဖြစ် ကိုယ်သွားတဲ့လမ်း ဖြောင့်ဖြူးအောင် ကူညီပေးတဲ့ Grace ကို အမြဲကျေးဇူးတင်မဆုံးပါဘူး ။

နောက်တစ်ယောက်ကတော့ ကိုယ့်ညီမလေးလို ချစ်ရတဲ့ ကျောင်းတက်ဖော် ညီမလေး ချစ်လင်းဆု ။ အရမ်းကူညီတတ်တဲ့အပြင် project လုပ်တဲ့အချိန်တွေ တဖက်သားအားသာချက် အားနည်းချက်တွေကို နားလည်ပေးပြီး စေတနာအပြည့်နဲ့ကူညီတတ်တဲ့ ညီမလေး ။ ကိုယ် အလုပ် pass ကနေ student pass ကိုပြောင်းတဲ့အချိန်မှာ ကိုယ့်ကို pr sponsor ပေးတဲ့ညီမလေးပေါ့ ။ ဒါတင်ဘယ်ကမလဲ ဘယ်သွားသွားကိုယ့်အတွက် လက်ဆောင်တွေဝယ်လာပေးသေးတာ။ ဘ၀မှာ သူ့လို စိတ်သဘောထားပြည်ဝတဲ့ လူတစ်ယောက်နဲ့ ခင်မင်ရတာလည်း မင်္ဂလာတစ်ပါးပါပဲ ။ သူနဲ့က နီးနီးနားနားပေမယ့် သူ့ကို ဒီ list ထဲမှာ မပါမဖြစ်ထည့်ချင်သေးတယ်။

နောက်ထပ်ကျေးဇူးတင်ချင်တဲ့ တစ်ယောက်ကတော့ ကိုယ့်သူငယ်ချင်းမြတ်ကြည် ၊ ကိုယ့်ကို အွန်လိုင်းမှာ consult လုပ်ပေးတတ်တဲ့ အွန်လိုင်းဒေါက်တာ သူငယ်ချင်းလေးပေါ့ ။ ဒါတင်မကဘူး တခြားအသုံးဝင်မယ်ထင်တာလေးတွေကိုလည်း အမြဲရှဲပေးတတ်သေးတယ် ။ ခုတော့ ပေါ်တော်မူတစ်ယောက် ဘယ်ရောက်နေလဲမသိ… မင်္ဂလာဆောင်ပြီးတည်းက အွန်လိုင်းကို မတက်တော့ဘူးရယ်..။ 😛

နောက်တစ်ယောက်ကတော့ နယူးဇီလန်မှာနေတဲ့ မ၀င့် ။ ကိုယ့်ဘ၀တစ်ဆစ်ချိုးအရမ်းခက်ခဲတဲ့အချိန်တွေမှာ ဘုရားတရားလုပ်ဖြစ်အောင် တိုက်တွန်းတတ်တဲ့သူပေါ့ ။ နောက်ပြီးတော့ ဓာတ်ကြီးလေးပါးဆွမ်းကပ်ဖို့အတွက် ဘုရားစာအုပ်ထဲက စာရွက်တစ်ရွက်ချင်းကို စိတ်ရှည်လက်ရှည်ဓာတ်ပုံရိုက်ပို့ပေးသေးတာ ။ သူ့အတွက်တော့ သာမန်ကူညီမှုလေးဖြစ်နိုင်ပေမယ့် ကိုယ့်အတွက်တော့ ဓာတ်ကြီးလေးပါးဆွမ်းကပ်မယ်လုပ်တိုင်း မ၀င့်ကို တသသကျေးဇူးတင်နေမိတာ ။

ပြောရမယ်ဆိုရင် တကယ်အများကြီးမှ အများကြီးကျန်သေးတယ် ။ ကိုယ်စင်ကာပူကိုလာစတုန်းက ကူညီပေးတဲ့သူငယ်ချင်းတွေ ၊ မလေးကို စတေးရှောင်တုန်းက ကူညီပေးတဲ့သူငယ်ချင်းတွေ ၊ grading ကတ်မှာ နာမည်မှားနေလို့ ပြန်ပြင်ပေးတဲ့သူငယ်ချင်းတွေ ၊ ကိုယ်လိုသမျှ ဖုန်းကလေးတစ်ချက်ဆက်တာနဲ့ ကူညီပေးတဲ့သူငယ်ချင်းတွေ ၊ မိတ်ဆွေတွေ အများကြီးပါပဲ ။ ဘ၀ဆိုတာ ခရီးတစ်ခုဆိုရင် မိတ်ဆွေကောင်းဆိုတာ အေးမြမှုကိုပေးတဲ့ သစ်ပင်လေးတွေပေါ့ ။ ကိုယ်ကိုယ်တိုင်လည်း မိတ်ဆွေတွေအတွက် ခဏနားဖို့ သစ်ပင်လေးတစ်ပင်ဖြစ်အောင်ကြိုးစားနေဆဲ ကြိုးစားနေမြဲပါပဲ ။ ဘ၀ခရီးမှာ မားမားမတ်မတ်ရပ်တည်ပေးတဲ့ မိဘရယ် ချစ်သူရယ် အပြင် မိတ်ဆွေသစ်ပင်လေးတွေအောက်မှာ ခဏတာနားခိုရတာ ဒီခရီးအတွက် အသက်ရှုအများကြီးချောင်ခဲ့ရပါတယ် ။

 

Mongolia ကိုသွားမလည်ခင်သိသင့်တဲ့ အချက်(၂၀)

ခုရက်ပိုင်း မအားလို့ Trans Siberian အပိုင်း ၄ ကို မဆက်နိုင်သေးခင်  မွန်ဂိုလီးယားကို မသွားခင် သိသင့်တဲ့ အချက်နှစ်ဆယ်ကို ချ ရေးလိုက်ပါတယ်။

  1. မွန်ဂိုလီးယားက လုံခြုံတဲ့ တိုင်းပြည်တစ်ခုပါ ။ မြို့ပေါ်မှာဆိုရင် ခါးပိုက်နှိုက်တွေရှိနိုင်ပေမယ့် တောဘက်က လူတွေက ရိုးသားကြတယ် ။ မိန်းကလေးတွေသီးသန့်သွားလည်း လုံခြုံပါတယ် ။
  2. မွန်ဂို ကို tour နဲ့ သွားမှ အဆင်ပြေမှာပါ ။ tour ဈေးနှုန်းတွေက လူများလေ ဈေးသက်သာလေပါပဲ ။
  3. အစားအသောက်အတွက် အသီးအရွက်ရှားပေမယ့် tour နဲ့သွားရင် tour က အဆင်ပြေအောင် စီစဉ်ပေးပါတယ် ။ တောထဲသွားလည်ရတာမို့ ငတ်မယ်ထင်ပြီး စားစရာတွေသယ်သွားစရာမလိုပါဘူး ။ ဟိုကိုရောက်မှ super market မှာဝယ်လို့ရပါတယ်။ ဒါ့အပြင် tour ကလည်း စီစဉ်ပေးပါတယ် ။ သယ်သွားရင် လေးတာပဲ အဖတ်တင်ပါလိမ့်မယ်။ vegan တွေ အတွက်ဆိုရင် သက်သတ်လွတ် meals တွေ စီစဉ်ပေးဖို့ tour ကို ကြိုတင်မှာထားလို့ရပါတယ် ။
  4. ဆိုင်မှာဝယ်စားရင် portion အရမ်းကြီးပါတယ် ။ သူတို့ တစ်ယောက်စာကို လူ နှစ်ယောက် မနည်းကုန်အောင် စားရတယ်။
  5. ကားနဲ့ သွားနေတုန်း စမ်းချောင်းလေးတွေ ၊ တောင်ကုန်းလေးတွေ ၊ လှလှပပနေရာလေးတွေမြင်ရင် ကားရပ်ခိုင်းလို့ရပါတယ် ။
  6. သက်တော့သက်သာ နဲ့ နွေးနွေးထွေးထွေးရှိတဲ့အ၀တ်အစားတွေယူသွားဖို့အရေးကြီးပါတယ် ။ ရာသီဥတုကြမ်းပြီးလေတိုက်ပါတယ်။  အနွေးထည်အထူကြီးတွေ အစား မထူမပါးတွေကို အထပ်ထပ်ဝတ်တာ ပိုကောင်းပါတယ် ။ အထူကြီးလိုမလိုဆိုတာကိုတော့ ရာသီဥတုအပေါ်မှာ မူတည်ပြီး ဆုံးဖြတ်ပါ ။
  7. ဆောင်းရာသီဆိုရင် အနှုတ် လေးဆယ့်ငါးလောက်ထိ အပူချိန်ကျတတ်တာမို့ ဆောင်းရာသီကိုရှောင်သင့်ပါတယ်။ Spring သွားတာတောင် အရမ်းအေးပါတယ် ။
  8. Sunscreen နဲ့ lotion တွေ မဖြစ်မနေဆောင်သွားပြီး မှန်မှန်လိမ်းပေးပါ ။ မျက်မှန် နဲ့ ဦးထုပ်နဲ့လည်းဆောင်ထားပါ ။
  9.  ငါးရက်စာ ခရီးအတွက် တစ်ရှုးအစို တစ်ထုပ် ၊ အခြောက် တစ်ထုပ်လောက်ဆိုရင် လုံလောက်ပါတယ်။ (တစ်ယောက်စာ) ။ Hand Sanitizer အသေးလေးတစ်ပုလင်း ဆောင်သွားပေးပါ ။
  10. မတ်ခွက်တွေ ဇွန်းတွေ ပန်းကန်တွေ မလိုအပ်ပါဘူး ။ ရေနွေးထည့်ဖို့ ဓာတ်ဗူးအသေးလေးရယ် ၊ တစ်ခါသုံးဇွန်းလေး တစ်စုံလောက်ပါရင်ကို အဆင်ပြေပါတယ်။
  11.  Nomadic family တွေနဲ့ နေရင် မွန်ဂိုမြို့ပေါ်ကနေ nomadic ကလေးတွေအတွက် mint မပါတဲ့ သကြားလုံးလေးတွေဝယ်သွားပေးပါ ။ မြန်မာကို သိပ်မသိကြတဲ့အတွက် မြန်မာအမှတ်တရ လက်ဆောင်လေးတွေသယ်သွားလို့ရပါတယ် ။
  12. Ger အိမ်ထဲကိုဝင်ရင် နို့လက်ဖက်ရည်တိုက်ပါတယ် ။ မြင်းနုိ့ ဒါမှမဟုတ် ဆိတ်နို့ ၊ နွားနို့ တစ်မျိူးမျိူးပါပဲ ။ ရိုးရာမို့လို့ သောက်သင့်ပါတယ် ။ မသောက်ချင်ရင်လည်း ငြင်းလို့တော့ရပါတယ် ။
  13. အရမ်းအေးတဲ့အပြင် လေတိုက်လို့ နှာခေါင်းဝတွေ စပ် ပြီး နှာခေါင်းပိတ်ရင် မွန်ဂို ရိုးရာ နှာပွင့်ဆေးဝယ်သုံးလိုက်ပါ ။ Kharkhorin ဘုရား အရှေ့ဘက်က ဆိုင်တွေမှာရှိတတ်တယ် ။ နှာပွင့်ဆေးနဲ့ သူတို့ရာသီဥတုနဲ့ အံကိုက်ပါပဲ ။
  14. ဘုရားကျောင်းဆောင်ကနေ အပြင်ထွက်ရင် ဘုရားကို ကျောပေးပြီးမထွက်ရပါဘူး ။  ဘုရားရုပ်ထုကို မျက်နှာမူပြီး နောက်ပြန်လမ်းလျှောက်ရပါတယ်။
  15. လူနေအိမ်နဲ့ အိမ်သာအရမ်းဝေးတာမို့ လက်နှိပ်ဓာတ်မီးကို မမေ့မလျော့သယ်သွားပေးပါ ။
  16. အိမ်သာ နဲ့ ရေပူရေအေး အခက်အခဲရှိပါတယ် ။ ကျင်းအိမ်သာကို အရမ်း sensitive ဖြစ်ပြီး ရေမချိုးဘဲ မနေနိုင်ရင် Nomadic family တွေရဲ့ Ger မှာမနေသင့်ဘဲ Tourist camp တွေမှာပဲနေပါ ။ ရေက tourist camp တွေမှာပဲ ချိူးလို့ရပါတယ် ။
  17. ချိုးစရာ ရေရှားတာမို့ ရေမချိုးကြတဲ့အတွက် ကြမ်းပိုးတွေရှိတတ်ပါတယ်။
  18. မြို့ပေါ်က hostel/hotel တွေမှာ အ၀တ်လျှော်စက် ဒါမှမဟုတ် laundry service တွေရှိတာမို့ မြို့ပေါ်ကိုရောက်တာနဲ့ ချက်ချင်း အ၀တ်လျှော်လို့ရပါတယ် ။ (ကြမ်းပိုး အိမ်ပြန်မသယ်လာတော့ဘူးပေါ့)
  19. ကားဆောင့်တတ်တာမို့ မူးတတ်ရင် အမူးသက်သာတဲ့ ဆေးတွေဆောင်ထားပါ ။
  20. မွန်ဂိုက အရမ်းကျယ်တာမို့  ဖြစ်နိုင်ရင် တစ်ပတ် ဆယ်ရက်လောက်အချိန်ပေးနိုင်မှာ သွားတာပိုကောင်းပါတယ် ။

Bonus Point အနေနဲ့တော့ ….. အအေးဒဏ်မခံနိုင်မှာကိုကြောက်ရင် ဘယ်ခရီးမဆို ခရီးမသွားခင် တစ်ပတ် ဆယ်ရက် အလိုမှာ Zinc & Vitamin C tablet လေးတွေစသောက်ပေးပါ ။

Trans Siberian ခရီးစဉ်-၃

Mongolia ဆိုတော့ တကယ်တော့ ကိုယ်နဲ့ သိပ်တော့မစိမ်းလှတဲ့ နာမည်ပဲ ။ Miss Earth မွန်ဂိုလီးယား Bayra Bela ဆိုတာ ကိုယ်နှစ်သက်တဲ့ Miss တစ်ယောက်ပေါ့ ။ သူတို့တွေရဲ့ unique ဖြစ်တဲ့အလှကို သတိထားမိနေခဲ့တာကြာပြီ ။ နောက်ပြီးတော့ သူတို့နိုင်ငံရဲ့နာမည်ကြီး Gobi သဲကန္တာရရယ် .. စစ်ဘုရင်ကြီး ဂျင်ဂျစ်ခန် နှင့် မြေး ကူဘလိုင်ခန် အကြောင်း ၊ ကြီးများကျယ်ပြန့်တဲ့ မြင်ခင်းပြင်ဒေသအကြောင်းတွေကိုတော့ အနည်းအကျဉ်းသိနေခဲ့ပါတယ် ။  ကိုးရီးယားလို အာညွန်း ဆိုပြီး နှုတ်ဆက်ရတာလွယ်သလောက် မွန်ဂိုလို ဆန်းပန်နော်ဆိုတဲ့ နှုတ်ဆက်စကားကို တော်တော်လေ့ကျင့်ယူခဲ့ရတယ် ။ မြို့တော် အူလန်ဘာထာ ဆိုတဲ့အသံထွက်ကိုလည်း ထွက်တတ်ဖို့ကျင့်ယူခဲ့ရပါတယ် ။ မွန်ဂို ဘာသာစကားက သင်ယူလေ့လာဖို့ ခက်ခဲသလို သူတို့တွေရဲ့ လူနေမှုဘ၀တွေလည်း ဘယ်လောက် ခက်ခဲကြမ်းတမ်းကြတယ်ဆိုတာကို သူတို့နိုင်ငံကို ရောက်ဖူးတော့မှပဲ ကောင်းကောင်းနားလည်သဘောပေါက်ပါတော့တယ် ။

လေဆိပ်

 

မွန်ဂို နိုင်ငံ မြို့တော် Ulaanbaatar ရဲ့  လေဆိပ်နာမည်ကတော့ Chinggis Khaan International Airport ပါတဲ့ ။ လေဆိပ်ကတော့ ရန်ကုန်လေဆိပ်နဲ့ ခပ်ဆင်ဆင်ဖြစ်ပြီးတော့ ရန်ကုန်လေဆိပ်လောက်တောင် busy မဖြစ်တဲ့ပုံပါပဲ ။ Immigration ဖြတ် ၊ အိတ်ရွေးပြီးတာနဲ့ ထွက်ပေါက်ကနေ ထွက်လိုက်တာနဲ့ လာကြိုနေတဲ့ Majestic Gobi Tour ကိုတွေ့ပါတော့တယ် ။ လာကြိုတဲ့သူတွေကတော့ Odontun (အော့နော့) ဆိုတဲ့ Guide မလေးနဲ့ Tonya (တိုညာ) ဆိုတဲ့ driver ပါပဲ ။ Guide မလေးက ခပ်ငယ်ငယ်ချောချောလေး ဖြစ်ပြီးတော့ အင်္ဂလိပ်စကားကိုလည်း တော်တော်ကျွမ်းကျွမ်းကျင်ကျင် ပြောနိုင်တဲ့ အပြင် သဘောကောင်းမယ့်ပုံလေးလည်းဖြစ်တဲ့အတွက် မြင်တာနဲ့ တော်တော်စိတ်ချမ်းသာသွားပါတယ် ။ ဒါပေမယ့် မွန်ဂိုက ကားဒရိုင်ဘာတွေက အသောက်အစားမကင်းဘဲ ပျင်းကြတယ်ဆိုပြီး တချို့ blog တွေမှာ ဖတ်ဖူးထားတော့ အဆင်ပြေပါ့မလားဆိုပြီး စိတ်ပူနေကြပါသေးတယ် ။ ဒါပေမယ့် အန်ကယ် Tonya ကိုကြည့်ရတာ အေးအေးချမ်းချမ်းပါပဲ ။ ဘာပဲပြောပြော ပိုင်ရှင် Baatar ကို ယုံတဲ့အတွက်မို့ သူအကောင်းဆုံးစီစဉ်ပေးထားမှာပါဆိုပြီး စိတ်အေးလက်အေးသာနေလိုက်ကြပါတယ် ။Guide မလေးနဲ့တွေ့ပြီးတဲ့ နောက်မှာ ပထမဆုံးအနေနဲ့ Money changer ကိုလိုက်ရှာရပါတယ် ။ စင်ကာပူမှာ မွန်ဂို ငွေကို လဲလို့ရတဲ့နေရာမရှိတဲ့အတွက် လေဆိပ်ကိုရောက်မှပဲ ငွေလဲရတာပါ ။ ငွေလဲပြီးတဲ့ နောက်မှာတော့ ကားပါကင်မှာ အသင့်စောင့်နေတဲ့ Road Trip သွားမယ် ကားလေးဆီကိုသွားကြပါတော့ တယ် ။

ဒီနေ့ အစီစဉ်ကတော့ နေ့လည်စာစားမယ် ၊ Road Trip အတွက် စားစရာသောက်စရာတွေကို super market မှာဝယ်မယ် ။ ပြီးရင် ၃ နာရီလောက်ကားမောင်းပြီး  Hugnu Khan တောင်တန်းတွေဆီကို   သွားမယ် ။ ထိုနေရာမှာပဲ nomadic (ရွေ့ပြောင်းနေထိုင်ကြသော) မိသားစုတွေနဲ့ တစ်ည အိပ်မယ် ဆိုပြီး ဂိုက်မလေးက ပြောပြပါတယ် ။ တကယ်တော့ မွန်ဂိုမှာ tourist camp ဆိုတာလေးတွေရှိပါတယ် ။ ထို tourist camp တွေမှာကျတော့ ရေပူရေအေး စိတ်ကြိုက်ရသလို ၊ ဘိုထိုင်အိမ်သာတွေဘာတွေနဲ့ tourist တွေ အဆင်ပြေအောင်လုပ်ထားတဲ့ camp လေးတွေပါ ။ ထို camp လေးတွေက ခရီးသွားများတဲ့ အချိန်တွေမှာပဲ အဖွင့်များပြီးတော့ အခုလို လူသွားနည်းတဲ့ အချိန်တွေမှာတော့ ပိတ်ထားတတ်ကြပါတယ် ။ ဒါပေမယ့် Tourist camp မှာနေချင်ရင် စီစဉ်ပေးလို့ရပါတယ် ဈေးကတော့ ပိုကြီးမယ် nomadic family တွေနဲ့ နေရင်တော့ ဈေးပိုသက်သာမယ်။ Nomadic stay ဆိုပေမယ့် မိသားစုတွေမှာ ခရီးသွားတွေအတွက် သီးသန့် Ger လို့ခေါ်တဲ့ အိမ်ကလေးတွေ ဆောက်ပေးထားကြတာမို့ လွတ်လွတ်လပ်လပ်နေလို့ရပါတယ် ဆိုပြီး Baatar က ပြောပြဖူးပါတယ် ။ ကိုယ်တွေအနေနဲ့ကတော့ သက်သာတဲ့ option ကို လိုချင်တာရယ် ၊ nomadic မိသားစုတွေနဲ့ နေရမယ့် အတွေ့အကြုံကိုလိုချင်တာမို့ nomadic family stay ကိုပဲရွေးချယ်ထားကြပါတယ်။

အပြင်မှာ ရာသီဥတုက သာသာယာယာ ခြောက်ခြောက်သွေ့သွေ့ပါပဲ ။ ဘယ်နားကြည့်ကြည့် သဲရောင်လွှမ်းတဲ့ တောင်ကုန်းနိမ့်နိမ့်လေးတွေ အပြည့် ။ အပူချိန်က ၂၀ ဒီဂရီဝန်းကျင်ရှိပေမယ့် လေတိုက်တာမို့ နည်းနည်းတော့ အေးပါတယ် ။ ဒါပေမယ့် အကျီလက်ရှည်လေးဝတ်ထားရင် နေပူပူအောက်မှာ သွားလို့လာလို့ကောင်းတဲ့ရာသီဥတုမို့ စိတ်ထဲမှာ တော်တော်လေးသဘောကျသွားမိပါတယ် ။ ဂိုက်မလေးက ပြောပြပါတယ် ။ မွန်ဂိုမှာ လူဦးရေ ၃ သန်းရှိပြီး ထိုလူဦးရေ ရဲ့ တစ်ဝက်တိတိဟာ Ulaanbaatar  ဆိုတဲ့ မြို့တော်မှာပဲ နေထိုင်ကြပါတယ်တဲ့  ။ ကျန်သော ၁ သန်းခွဲကတော့ တစ်နိုင်ငံလုံးမှာ ပြန့်ကြဲစွာပဲ နေထိုင်ကြပါတယ်တဲ့ ။ 676,578 km² ကျယ်ဝန်းတဲ့ မြန်မာပြည်မှာတောင် လူဦးရေ ၅၃ သန်းရှိပါတယ် ။  1,564,116 km² ကျယ်ဝန်းတဲ့ မွန်ဂိုမှာတော့ လူဦးရေ ၃ သန်းသာသာပဲနေထိုင်ကြတယ်ဆိုတော့ ဘယ်လောက်တောင်မှ မြေပိုမြေလျှံတွေရှိမလဲ တွေးကြည့်လို့ရပါတယ် ။ အူလန်ဘာထာက မြို့မှာပဲ လူဦးရေ ၁ သန်းခွဲနေကြတယ် ဆိုပေမယ့် ကျယ်ကျယ်ဝန်းဝန်းသာသာယာယာပါပဲ ။ တခြားမြို့တော်တွေလို အိမ်တွေပြွတ်သိပ်နေတာမျိူးမရှိပါဘူး ။  Traffic (ယာဉ်ကြောပိတ်ဆို့မှု) နည်းနည်းများပြီး အိမ်ပုံစံလေးတွေရိုးလွန်းတာ တစ်ခုပါပဲ ။

ဂိုက်မလေးက သူတို့နိုင်ငံရဲ့ အကြီးဆုံး super market ကိုခေါ်သွားပြီး road trip အတွက် လိုအပ်တဲ့ ပစ္စည်းတွေဝယ်ကြပါတယ် ။ ခရီးစဉ်မှာ အစားအသောက်ပါတာမို့ ဂိုက်မလေးက လိုအပ်တာတွေကို ဒရိုင်ဘာနဲ့အတူဝယ်ပြီး ကိုယ်တွေကတော့ ရေ ၊ ခေါက်ဆွဲ ၊ အသီး တွေ ၊ အားလူးကြော်တွေဝယ်ကြပါတယ် ။ နောက်ပြီးတော့ nomadic family က ကလေးတွေအတွက် သကြားလုံးတွေ မမေ့မလျော့ ၀ယ်သွားကြပါတယ် ။ (blogger တွေအကြံပေးချက်အရ nomadic family က ကလေးတွေက ပြည်တွင်းဖြစ်သကြားလုံးတွေ ပိုကြိုက်တယ်ဆိုလို့ super market ရောက်မှဝယ်ကြတာပါ) ။ တကယ်တော့ ကိုယ်တွေမှာ စင်ကာပူကနေ ခေါက်ဆွဲခြောက် ၊ ကော်ဖီ ၊ လက်ဖက်ရည်၊ ရေနွေးကြမ်း စတဲ့ စားစရာတွေကို တစ်ယောက်စာစီ သယ်လာပြီးသားပါ (ငတ်မှာစိုးတာကိုး :P) Super market ကိုရောက်တော့လည်း လိုအပ်မယ်ထင်တာလေးတွေကို ထပ်ဝယ်ကြပါတယ်။ ရေကလည်း သူတို့ပေးတဲ့ တစ်ယောက် တစ်လီတာနဲ့ မလောက်မှာစိုးလို့ ထပ်ဝယ်ပါတယ် ။ အဲဒီလိုနဲ့ အစားအသောက်ပါပြီးသား ခရီးအတွက် ငတ်မှာစိုးလို့ ၀ယ်လိုက်ကြတာ မနည်းကိုသယ်ယူရပါတော့တယ် ။ တကယ်တော့ luggage တွေထဲမှာလည်း စားစရာတွေအများကြီး 😛 လိုအပ်တာတွေဝယ်ပြီးတော့ super market ထဲက food court မှာ နေ့လည်စာမှာစားကြပါတယ် ။ အစားအသောက်တွေလည်းမဆိုးပါဘူး ။ ဈေးလည်းတော်တဲ့အပြင် တစ်ပွဲဆိုရင် လူနှစ်ယောက်စားယူရလောက်အောင် ပွဲကြီးပါတယ် ။ ပိုတာလေးတွေကို ညဘက်စားဖို့ ပါဆယ်ယူလာပြီး Road trip လေး စတင်လိုက်ပါတော့တယ် ။

ကားကတော့  Istana mini bus လေးပါ ။ ၃ ယောက်လုံးအတွက် သက်တောင့်သက်သာရှိပြီး ကျယ်ကျယ်ဝန်းဝန်းနေလို့အဆင်ပြေတဲ့ ကားလေးပါ ။ ဂိုက်မလေးနဲ့ ဒရိုင်ဘာကတော့ ရှေ့မှာထိုင်ကြပြီး နောက်ဘက်မှာတော့ ကိုယ်တို့ ၃ ယောက်တည်း ကမ္ဘာပေါ့ ။ ကားထဲမှာ trendy ဖြစ်တဲ့ music video တွေကို ipad လေးနဲ့ ဖွင့်ထားပါတယ် ။ အပြင်မှာ ချမ်းပေမယ့် ကားပေါ်မှာတော့ နွေးနွေးထွေးထွေးပါပဲ ။ ဘယ်နားကြည့်ကြည့် တောင်ကမူလေးတွေ မြေပြန့်လွင်ပြင်ကြီးတွေရယ် ။ အိမ်သေးသေး ပုပုလေးတွေရယ် .. ။ မြင်းတွေရယ် ..မြင်းချေးတွေရယ် ချည်းပဲပါ ။ နွားတွေ သိုးတွေကိုလည်း မကြာမကြာမြင်ရသေးတယ် ။ ကတ္တရာလမ်းက ဖြောင့်ဖြူးနေပါတယ် ။ တခါတခါတော့ ကားဆောင့်တာလေးတွေတော့ရှိတယ် ။ ဘယ်နားကြည့်ကြည့် အဆုံးအစမရှိတဲ့  လွင်ပြင်ကျယ်ကြီးတွေရယ်..တောင်မို့မို့လေးတွေရယ်နဲ့ စိတ်ထဲမှာ ရုပ်ရှင်ထဲ ရောက်နေသလားတောင်မှတ်ရလောက်အောင် သာယာလှပါတယ်။

အဝေးက တောင်တန်းတွေ

မြက်ခင်းပြင်ကြီးတွေက spring ဆိုပေမယ့် စိမ်းတဲ့အဆင့်ထိမရောက်ကြသေးပါဘူး ။  ညိုဝါရောင်သန်းနေတဲ့ မြက်ခင်းတွေကလည်း မျက်စိတစ်ဆုံး…. ကျောက်သားကျောင်းဆိုင် ကျောင်တောင်တွေကလည်းအပြည့်….။  ခေါင်းမဖော်တမ်းစားနေကြတဲ့ မြင်းတွေ…. တကယ်တော့ မွန်ဂိုဆိုတာ တရိစ္ဆာန်လေးတွေအတွက် နိဗာန်ဘုံလို့ ပြောရလောက်အောင် အစားအသောက်ပေါများတဲ့ တိုင်းပြည်ပါပဲ ။ မွန်ဂိုမှာ တကယ်တော့ လူဦးရေ ထက် မြင်းဦးရေက ပိုများတယ် ဆိုပြီး  ဂိုက်မလေးက ပြောပြပါသေးတယ် ။ ဒါပေမယ့်  ဒီလောက် ကြီးများကျယ်ပြန့်တဲ့ မြေတွေ ကုန်းမြင့်တွေ တောင်တန်းလွင်ပြင်တွေရှိလျက်နဲ့ ကြမ်းတမ်းတဲ့ ရာသီဥတုကြောင့် စားပင်သီးပင်တွေ စိုက်လို့မရတာ တော်တော် ၀မ်းနည်းစရာကောင်းပါတယ် ။ မြေပြန့်လွင်ပြင်တွေမှာ အလေ့ကျပေါက်နေတဲ့မြက်တွေအပြည့် ၊ ထိုမြက်တွေကို စားနေတဲ့ မြင်းတွေ နွားတွေ သိုးတွေ အပြည့် ၊ ဒါပေမယ့် ထိုမြေတွေမှာ အသီးအနှံ စိုက်ခင်းတွေ (ရှိကောင်းရှိနိုင်ပေမယ့်) မြင်မြင်သမျှမှာတော့ တစ်ခုတစ်လေမှတောင် မတွေ့ရပါဘူး ။ ပတ်ဝန်းကျင်ဟာ တိတ်ဆိတ်ငြိမ်သက် အေးချမ်းပြီးတော့ လွတ်လွတ်လပ်လပ်သွားလာနေကြတဲ့ မြင်းတွေ ၊ ဟိုးဝေးဝေးမှာ မြင်ရတဲ့ အိမ်လေးတွေ ၊ ထိုအိမ်လေးတွေဟာလည်း တစ်အိမ်နဲ့ တစ်အိမ် အဝေးကြီးမှ အဝေးကြီး ၊ ကျိူးတိုးကျဲတဲ မြင်ရတဲ့ Ger (ဂါး) အိမ်လေးတွေ ၊ လူရိပ်လူယောင်တောင်မမြင်ရတဲ့ မြို့သေးသေးလေးတွေ… နာရီဝက်နေလို့ တစ်စီးမမြင်ရတဲ့ ကားတွေ ….အရည်ပျော်စပြုနေတဲ့ နှင်းခဲတွေ ၊ ညင်ညင်သာသာလေး စီးဆင်းနေကြတဲ့ စမ်းချောင်းလေးတွေနဲ့ လှချင်တိုင်းကို လှနေကြတော့တာပါပဲ ။

လွတ်လပ်စွာသွားလာနေကြတဲ့ မြင်းတွေ

 

 ၃ နာရီလောက် ကားမောင်းပြီးတဲ့အခါမှာတော့ ကားလမ်းပေါ်ကနေ off road တစ်ခုထဲကို ဆင်းချလိုက်ပါတော့တယ် ။  ခပ်လှမ်းလှမ်းတစ်နေရာမှာတော့ သာယာလှပတဲ့ Hugnu Khan တောင်တန်းကြီးက ဆီးကြိုလို့ ။ Hugnu Khan တောင်တန်းတွေဟာ တကယ်တော့ Hugnu Khan Nature Reserve ထဲမှာ ရှိတဲ့ တောင်တန်းတွေပါ ။ Nature Reserve ဆိုတာကတော့ မြန်မာလို ပြောရရင် သဘာဝ ဥယျဉ်လို့ပဲ အနီးစပ်ဆုံးခေါ်လို့ရမယ်ထင်ပါတယ် ။ ထို Nature Reserve ကို မပျက်စီးအောင် ကြည့်ရှုစောင့်ရှောက်ပေးတဲ့အဖွဲ့အစည်းတွေရှိပါတယ် ။ Hugnu Khan တောင်တန်းနားမှာတော့ ချစ်စရာ Ger ဖြူဖြူလေးတွေ ရှိပါတယ် ။ ကျောက်တောင်မြင့်မြင့်ကြီးတွေနားမှာ Ger အိမ်ဖြူဖြူလေးတွေရယ် လွင်ပြင်ကျယ်ကြီးရယ်နဲ့ wall paper ထဲကိုရောက်နေသလိုပါပဲ ။ ကားကို Ger ဖြူဖြူလေးတွေနားမှာရပ်လိုက်ပြီးတော့ ဂိုက်မလေးက ဦးဆောင်ပြီး ကိုယ်တွေ တစ်ညတာ နားခိုမယ့် nomadic မိသားစုနေထိုင်ရာ အိမ်ကလေးကိုခေါ်ဆောင်သွားပါတယ် ။

နားခိုရာ Ger အိမ်လေးတွေ

ညကိုးနာရီ အလှ

ထိုနေရာမှာတော့ Ger အိမ်လေးတွေစုစုပေါင်း ခြောက်အိမ်ရှိပြီးတော့ အိမ်ရှင် အဖိုးအဖွားရယ် ၊ သူ့ သားသမီးလို့ထင်ရတဲ့စုံတွဲ တစ်စုံ ရယ် ..။  ပြင်သစ်က ဧည့်သည် ၂ ယောက်နဲ့ tour ပိုင်ရှင် Baatar ရယ်…။  ကိုယ်တွေသုံးယောက်ရယ်ပဲရှိပါတယ် ။ Baatar က ပြင်သစ်ဧည့်သည်တွေကိုလိုက်ပို့ရင်း ကိုယ်တွေဆီက tour ခ ပိုက်ဆံလာယူတာပါ ။ အိမ်ရှင်အဖိုးနဲ့အဖွားက လှိုက်လှိုက်လှဲလှဲကြိုဆိုကြပါတယ် ။ အသက်က ၇၀ ဆယ်ကျော်တွေဆိုပေမယ့် သန်သန်မာမာ ချက်နိုင်ပြုတ်နိုင် အလုပ်လုပ်နိုင်ကြတုန်းပါပဲ ။ မွန်ဂိုထုံးစံ Ger ထဲကို ၀င်ဝင်ချင်းမှာ Suutei tsai (Mongolian Salty Milk Tea) တစ်ခွက်စီတိုက်ပါတယ် ။(Mare’s Milk) မြင်းနို့မို့လို့ အနံ့က နည်းနည်းပြင်းပေမယ့် အစဉ်အလာကို လေးစားတဲ့အနေနဲ့ Milk Tea တစ်ခွက်ကို ကြိုးစားပြီးသောက်လိုက်ပါတယ် ။ ထမင်းရည်အရသာနဲ့ခပ်ဆင်ဆင်ပါပဲ။ ဆားခပ်ထားတော့ နည်းနည်းငံပြီး နို့နံ့ နည်းနည်းရှိတယ် ။

အိမ်ရှင် အဖွား

အိမ်ရှင် အဖိုး

နို့လက်ဖက်ရည်

Ger ရဲ့ ပုံစံကတော့ ပုံမှာမြင်တဲ့အတိုင်း အလယ်မှာ မီးဖို လေး နဲ့ ခုံလေးရှိတယ် ၊ အ၀င်ဝက တောင်ဘက်အရပ်ကိုမျက်နှာမူထားတယ် ။ ပတ်ပတ်လည်း မှာ အိပ်ကုတင်လေးတွေရှိတယ် ၊ ခုံလေးတွေရှိတယ် ။ အဲလောက်ပါပဲ ၊ ရိုးရိုးရှင်းရှင်း နွေးနွေးထွေးထွေးနဲ့ နေလို့အရမ်းကောင်းပါတယ်။  သူတို့ရာသီဥတုနဲ့ဆို အံကိုက်ပါပဲ ။ နွေရာသီဆို အေးပြီး ဆောင်းတွင်းကျရင် နွေးပါတယ် ။ ပြောင်းရရွေ့ရလည်း လွယ်ပါတယ် ။ Ger ဟာ ၁၅၀ ကနေ ၃၀၀ ကီလို အလေးချိန်ရှိပြီး ger တစ်ခု ဆောက်ဖို့အတွက် အချိန် ၂ နာရီပဲလိုပါတယ် ။ nomadic တွေထုံးစံအရ နွေရာသီဆိုရင် လေတိုက်တဲ့ တောင်ကုန်းတွေပေါ်မှာနေပြီး ဆောင်းဆိုရင်တော့ လေကွယ်တဲ့အရပ်ကိုပြောင်းရွေ့တတ်ကြပါတယ် ။ မေလနဲ့ အောက်တိုဘာလ အတွင်းမှာ ပြောင်းရွေ့လေ့ရှိကြပါတယ် ။  မြင်း, နွား ဒါမှမဟုတ် အမွှေးရှည်နွားရိုင်း (yaks), သိုး, ဆိတ် နဲ့ ကုလားအုပ် တွေကို မွေးမြူလေ့ရှိကြပါတယ် ။  ခုနောက်ပိုင်းမှာ  လေဒဏ် မိုးဒဏ် ဆောင်းဒဏ်ကို ပင်ပင်ပန်းပန်းခံကြရတဲ့ ခက်ခဲကြမ်းတမ်းတဲ့ Nomadic ဘ၀ကို ပစ်ပြီး တဖြေးဖြေးနဲ့ မြို့ကို ပြောင်းပြီး နေလာကြတာမို့ nomadic ဦးရေ တစ်နှစ်ထက်တစ်နှစ် လျော့ကျလာပါတယ်တဲ့ ။ ဒါ့အပြင် Nomadic တွေရဲ့ ဘ၀နေထိုင်မှုကို ပံ့ပိုးကူညီ ထောက်ပံ့ပေးမယ့် အဖွဲ့အစည်းတွေရဲ့ အကူအညီတွေ အများကြီးလိုအပ်နေပါတယ်တဲ့ (ဒါက ကြုံလို့ ပြောပြတာ) ။ Nomadic တွေက တိရိစ္တာန်လေးတွေအပေါ် အရမ်းဂရုစိုက် တန်ဖိုးထားပြီး လေးလေးစားစားဆက်ဆံတတ်ကြပါတယ် ။ ပုံထဲက ဗီရိုပေါ်မှာ အမြတ်တနိုးတင်ထားတဲ့ မယ်လမင်းခွက်နှစ်ခွက်နဲ့ ဆင်တူ ခွက်တစ်ခုကို ခွေးစာခွက်အဖြစ်သုံးထားတာကိုတွေ့ခဲ့ရပါသေးတယ်။

Ger အိမ်ပုံ (Credit – Pinterest )

ခုနက ပြောခဲ့သလိုပဲ Ger ရဲ့ ၀င်ပေါက်က တောင်ဖက်မှာပါ ။ Ger ရဲ့ အထဲမှာတော့ တစ်ယောက်အိပ်ကုတင်လေးတွေရှိပြီး အနောက်ဘက်က ကုတင်မှာ အမျိူးသားတွေအိပ်ရပါတယ် ။ မြောက်ဘက်မှာတော့ ဘုရားစင် ဒါမှမဟုတ် ကုတင်ထားရင်ဂုဏ်သရေရှိဧည့်သည်တွေ၊ သက်ကြီးဝါကြီးတွေအတွက်ပါတဲ့ ။ အရှေ့ဘက် ကုတင်ကတော့ အမျိူးသမီးတွေရဲ့နေရာပါ ။ အလယ်မှာကတော့ မီးဖိုပေါ့နော် ။ ခေါင်မိုးထိပ်ချွန်လေးကိုတော့ အလင်းဝင်အောင် အကြည်သား အစနဲ့မိုးထားပါတယ် ။ ခေါင်မိုးထိပ်ချွန်လေးကိုလည်း ကြိုးကလေးနဲ့ ဖွင့်လို့ပိတ်လို့ရပါသေးတယ် ။ Ger နဲ့ ခပ်ဝေးဝေးမှာ သစ်သားအိမ်သာလေး တစ်လုံးရှိပါတယ် ။ အိမ်သာကတော့ ကျင်းအိမ်သာပါပဲ ။ သစ်သားနှစ်ချပ်ပေါ်မှာ ဆောင့်ကြောင့်ထိုင်ပြီး သုံးရတာပါ ။ ရေ ၊ တစ်ရှုး ဘာမှမရှိတဲ့ ရိုးရာအိမ်သာပါ ။ ကျင်းအိမ်သာ ထုံးစံ အနံ့အသက်အနည်းငယ်တော့ရှိပါတယ် ။ သူတို့တွေကတော့ ဘယ်လိုသုံးလဲမသိဘူး ကိုယ်တွေတော့ တစ်ရှုးလေးဆောင်ပြီးမှသွားရပါတယ်။ နောက်တစ်ခု ကျန်သေးတာက ရေချိူးစရာ နေရာမရှိသလို ဘယ်သူမှလဲ ရေမချိူးကြပါဘူး ။ ရေရှားတဲ့အရပ်မို့ ရေကို အရမ်းချွေတာကြရပါတယ် ။ ရေတွင်းရေကန်လည်း မရှိသလို သောက်ရေလေးအတွက်ကို တဝေးတလံသွားခပ်ကြရပါတယ် ။ ရေတင်မကပါဘူး အရာအားလုံးကို ချွေချွေတာနဲ့ အလေအလွင့်မရှိအောင် စနစ်တကျသုံးကြပါတယ်။ မြင်းတွေအရမ်းပေါလို့ မြင်းချေးခြောက်တွေကို ထင်းအစားထိုးသုံးကြပါတယ် ။ Ger အလယ်မှာရှိတဲ့ မီးဖိုမှာပဲ မြင်းချေးခြောက်မီးကို သုံးပြီး အစားအသောက်တွေချက်ပြုတ်ကြပါတယ် ။ Ger ထဲမှာနွေးအောင်လည်း မြင်းချေးနဲ့ပဲ မီးဖိုကြပါတယ် ။ Ger အပြင်ဘက်မှာတော့ ဆိုလာပြားလေးတွေ ရှိပြီး ညဆယ်နာရီအထိ လျှပ်စစ်မီးရပါတယ် ။ အင်တာနက်တော့ မရပေမယ့် ဖုန်းလိုင်းတော့မိပါတယ် ။

 

အဖွားတို့ Ger အိမ်

အဖွားတို့အိမ်တွင်း

 

အဖွားတို့အိမ်တွင်း

 

အိမ်သာ

 

လူနေအိမ်နဲ့ အိမ်သာနဲ့ အဲလောက်ဝေးတယ်

 

မြင်းချေးခြောက် မီးလင်းဖို

 

Ger ထဲမှာ ပစ္စည်းတွေထားပြီးတော့  Hugnu Khan တောင်ဘက်ကို လမ်းလျှောက်ကြပါတယ်။ သာယာကျယ်ပြောတဲ့ မြင်ကွင်းကျယ် ရှုခင်းတွေက အရမ်းလှပပြီး အေးချမ်းပါတယ် ။ တိမ်ကင်းစင်ပြီး ပြာတောက်နေတဲ့ ကောင်းကင် အောက်က ရှုခင်းဟာ ဘာ effect , editing မှမလိုဘဲ ကြည့်ကောင်းလှပါတယ် ။ သွားရင်းနဲ့ မြင်းချေးနင်းမိမှာတစ်ခုပဲသတိထားရပါတယ်။ ကျောက်တောင်ကုန်းနားအထိ ဂိုက်မလေးနဲ့ ဖြေးဖြေးချင်းသွားကြပြီး ဓာတ်ပုံရိုက်လိုက် ငေးလိုက်နဲ့ တော်တော်စိတ်အေးချမ်းသာရတဲ့ နေ့လေးတစ်နေ့ပါပဲ ။ ကျောင်တောင် နားအရောက်မှာတော့ ဂိုက်မလေးကို နားခိုင်းလိုက်ပြီးတော့ ကိုယ်တွေ ၃ ယောက်ပဲ တောင်ပေါ်တက်ခဲ့ကြပါတယ် ။ ကိုယ်ကတော့ ဆက်မတက်ချင်တော့လို့ လမ်းတစ်ဝက်မှာ ဓာတ်ပုံလေးရိုက်ပြီး ကျန်ခဲ့ပါတယ် ။ သူငယ်ချင်းနှစ်ယောက်ကတော့ ဆက်တက်သွားကြပါတယ် ။ မိနစ် နှစ်ဆယ်လောက်နေတော့ ဂိုက်မလေးက မြင်းစီးဖို့ ပြန်လာခေါ်လို့ မြင်းသွားစီးကြပါတယ် ။ မြင်းစီးတာ ပထမဆုံးအတွေ့အကြုံဆိုတော့ စိတ်တော်တော်လှုပ်ရှားမိပါတယ် ။ မြင်းခါပြီး  ပြုတ်ကျရင် ကျိူးကန်းနေမှာစိုးလို့ ကင်မရာတွေ ဖုန်းတွေတောင်မယူနိုင်လောက်အောင် အကြောက်ပိုခဲ့တာပါ ။ တကယ်တော့ အိမ်ရှင် အဖိုးရဲ့သားက Hugnu Khan တောင်ခြေရင်းမှာ အစာစားနေကြတဲ့ သူတို့ရဲ့ ဆိတ်တွေ သိုးတွေကို အိပ်တန်းတက်ဖို့ ပြန်ခေါ်ရင်း ကိုယ်တွေ ၃ ယောက်ကို မြင်းစီးခေါ်သွားတာပါ ။ လွယ်လွယ်ပြောရရင် ဆိတ်ကျောင်း သိုးကျောင်းထွက်ကြတာပေါ့ ။ သိုးထိန်းခွေးလေးတွေလည်း ကိုယ်တွေနဲ့အတူလိုက်လာကြပါတယ် ။

သိုးထိန်းလေးပေါ့

 

အမှန်အတိုင်းပြောရရင် ကင်မရာထားခဲ့မိတာ တော်တော်နောင်တရပါတယ် ။ မြင်းတွေကို တစ်ကောင်နဲ့တစ်ကောင်ကြိုးနဲ့ချည်ထားပြီးတော့ ရှေ့ဆုံးက အဖိုးသားက သူ့မြင်းနဲ့အတူ ဆွဲပါတယ် ။ သက်တောင့်သက်သာနဲ့ ဖြေးဖြေးချင်းပဲသွားတာပါ ။  လေအေးလေးတွေတိုက်တဲ့ ညနေခင်းမှာ ရင်သပ်ရှုမောဖွယ်လှပတဲ့ Hugnu Khan တောင်ခြေရင်းမှာ မြင်းစီးရတဲ့ အရသာဟာ ဘာနဲ့မှမတူပါဘူး ။ ကောင်းကင်က ပြာပြာ ၊ တောင်စောင်းပေါ်မှာ မြင်းလေးစီးပြီး သိုးအုပ်တွေနောက်က လိုက်ရင်း ကိုယ့်ဘေးပတ်ပတ်လည် ၃၆၀ ဒီဂရီက သဘာဝစစ် untouched nature ကို ခံစားရတာဟာ စာကဗျာဖွဲ့လို့မမှီနိုင်ပါဘူး၊ ကိုယ့်အနေနဲ့ကတော့ အဲဒီလိုအတွေ့အကြုံ မြင်ကွင်းမျိူးတွေကို တစ်ခါမှမမြင်ဖူးတော့ ကောင်းဘွိုင်ကားထဲကို ရောက်နေသလိုလို..tourism promote လုပ်တဲ့ ဗီဒီယိုထဲ ရောက်နေသလိုလိုကို ခံစားရတာပါ ။ အကြောင်းသင့်ရင် တစ်ခေါက်လောက်သွားကြည့်ဖို့ပဲ တိုက်တွန်းချင်ပါတော့တယ် ။ ကင်မရာလေးသာ ပါသွားရင် ဒီထက်လှတဲ့ ရှုခင်းတွေရိုက်နိုင်ခဲ့မှာပါဆိုပြီး နောင်တရပေမယ့် နှလုံးသားထဲမှာပဲသိမ်းဆည်းရင်း မွန်ဂိုလီးယားကို နောက်တစ်ခေါက်လာဦးမယ်ဆိုပြီး ပထမနေ့မှာတင် ဆုံးဖြတ်လိုက်ပါတော့တယ် ။

ရင်သပ်ရှုမောဖွယ်ရာ Hugnu Khan တောင်အလှ

ရင်သပ်ရှုမောဖွယ်ရာ Hugnu Khan တောင်အလှ

Hugnu Khan တောင်ကနေ အဖွားတို့အိမ်ကို လှမ်းမြင်ရတာ

အဖိုး နှင့် သူ၏ မြင်းများ

တောင်ကုန်းတစ်ပတ် မြင်းစီးပြီး ပြန်လာတော့ အဖွားလက်ရာ သက်သတ်လွတ် ရိုးရာ ခေါက်ဆွဲကြော်က ကြိုဆိုနေပါတယ်။ လက်ဆေးပြီး ger ထဲဝင်ကာ ညစာစားကြပါတယ် ။ အဖွားတို့နဲ့ ခဏလောက် အလာပ္ပ သလာပ္ပ စကားပြောပြီး အဖွားတို့အိမ်ဘေးက ကိုယ်တွေ ဒီညတည်းခိုမယ့် ger ကို ကူးလာကြပါတယ် ။ ကိုးနာရီဆိုပေမယ့် ညကတော့ နုပျိုလတ်ဆတ်ဆဲပါ ။ အီကွေတာနဲ့ နီးတဲ့ တိုင်းပြည်မို့ နေ၀င်ချိန်နောက်ကျပါတယ် ။ စင်ကာပူကနေ ထွက်လာတာ ၂၄ နာရီ နီးပါးရှိပြီ ဖြစ်ပေမယ့် အခုထိကာင်းကောင်းမအိပ်ရသေးတော့ လူတွေက တအားပင်ပန်းနေကြပါပြီ ။ မွန်ဂိုလီးယားက တိမ်ကင်းစင်တဲ့ ကောင်းကင်မို့ ကြယ်တွေပိုတောက်ပပြီး milky way ကြယ်စုတွေကို မြင်နိုင်တယ်လို့ ကြားဖူးပါတယ် ။ အရမ်းပင်ပန်းနေတာမို့ ger အပြင်ကိုတစ်ချက်လောက်ထွက် ကောင်းကင်ကို မော့ကြည့်ပြီး ကြယ်တွေကို မရေတွက်နိုင်တော့ပါဘူး ။ wet tissue လေးနဲ့ မျက်နှာသစ် ကိုယ်လက်ဆေး သွားတိုက်ကာ အိပ်ရာဝင်လိုက်ကြပါတော့တယ် ။
ဆက်ပါဦးမယ် ။
ပုံတွေကိုတော့ instagram မှာ စုံစုံလင်လင်တင်ဖြစ်ပါတယ် (ဖြေးဖြေးချင်း :P)
https://www.instagram.com/bella_travel_diary/

Trans Siberian ခရီးစဉ်-၂

မော်စကို ကနေ မွန်ဂိုလီးယားကို ဖြတ်ပြီး ဘေဂျင်းထိသွားတဲ့ ခရီးဟာ တကယ်တမ်းကျတော့ Trans Mongolian လို့ပြောရမှာ ဖြစ်ပေမယ့် အားလုံးကတော့ သူရဲ့ မူလလမ်းကြောင်းနာမည်ဖြစ်တဲ့ Trans Siberian လို့ပဲခေါ်ကြတယ် ။ ဒါကြောင့် ဒီခရီးစဉ်ကို Trans Siberian ဆိုပြီး နာမည်တပ်လိုက်ပါတယ် ။ တကယ်တော့ ဒီခရီးကို ၂၀၁၄ လောက်ကနေသွားဖို့စိတ်ကူးရှိခဲ့တာပါ ။ အရင်ခရီးသွားနေကျ သူငယ်ချင်းတွေကိုပြောဖြစ်ပေမယ့်  ရထားပေါ်မှာ လေးရက် သို့မဟုတ် ငါးရက် ကြာမယ်လိုပြောလိုက်တိုင်း အားလုံးက မသွားချင်ကြတော့ပါဘူး ။ ရထားပေါ်မှာ တောက်လျှောက်ကြီး လေးငါးရက် နေမှာမဟုတ်ဘူး လမ်းမှာအဆင်ပြေတဲ့မြို့တွေမှာရပ်မယ်ဆိုပြီးရှင်းပြပေမယ့် ရုရှားဆို တော်တော်များများက သွားလည်လို့ရတဲ့နေရာလို့မထင်ကြပါဘူး ။ secure မဖြစ်ဘူးလို့ပဲ သတ်မှတ်ကြပါတယ် ။ ကံကောင်းထောက်မစွာနဲ့ပဲ ကိုယ့်လို adventure ကြိုက်တဲ့သူငယ်ချင်းနှစ်ယောက်ထပ်တွေ့ပြီး ဒီခရီးကိုစတင်စီစဉ်ဖြစ်ခဲ့တယ် ။ မှတ်မှတ်ရရ ခရီးမသွားခင်  ငါးလလောက်ကနေ စပြီး စီစဉ်ခဲ့ကြတာပါ ။

ခရီးသွားတာက ဟုတ်ပြီ ဘယ်အချိန်သွားမလဲဆိုပြီး အရင်ဆုံးဖြတ်ရတယ် ။ Trans Siberian ကို ပုံမှန်အားဖြင့် အအေးသက်သာတဲ့ နွေရာသီနဲ့ သစ်ရွက်တွေအရောင်ပြောင်းတဲ့ ဆောင်းဦးရာသီမှာ (Autumn)သွားကြတာများတယ် ။ တချို့ကျတော့လဲ နှင်းတောထဲမှာ ဖြူဖွေးဆွတ်နေတဲ့ ဆိုက်ဘေးရီးယန်းဒေသအလှတွေကို တွေ့ချင်လို့ ဆောင်းရာသီကိုရွေးသွားကြတာမျိူးရှိတယ် ။ ကိုယ့်အနေနဲ့တော့ ဖွေးဆွတ်နေတဲ့ ဆိုက်ဘေးရီးယန်းအလှကို မြင်ချင်ပေမယ့် အအေးဒဏ်ကိုမခံနိုင်မှာရယ်သေချာနေတာမို့ ဆောင်းတွင်းမှာတော့မသွားချင်ဘူး ။နောက်ပြီးတော့ နွေနဲ့ ဆောင်းဦးက peak season ဆိုတော့ လူရှုပ်တဲ့ဒဏ်ကိုမခံချင်တာကြောင့်ရယ် နွေဦးရာသီ ဖြစ်တဲ့ Spring ကိုရွေးဖြစ်တယ် ။ ရာသီဥတုတိုင်းမှာတော့ အားသာချက်အားနည်းချက်ကိုယ်စီရှိကြတယ် ။ Spring ရဲ့သဘောတရားကကျတော့ ရေခဲအရည်ပျော်တဲ့အချိန်ဖြစ်တဲ့အတွက် တစိုစို တစီစီဖြစ်မယ် ။ မိုးရွာမယ် စတဲ့အားနည်းချက်ကလေးတွေရှိတယ် ။ ဘာပဲပြောပြော အတူသွားမယ့် သူငယ်ချင်းတွေရဲ့ ခွင့်လည်းအဆင်ပြေတယ် .. လူလည်းသိပ်မထူတဲ့အချိန်လည်းဖြစ်တဲ့ ဧပြီလကုန် မေလဆန်းကို ခရီးသွားကြမယ်လို့ ၃ ယောက်လုံးသဘောတူလိုက်ကြတယ် ။

 

Photo Credit : https://gearjunkie.com/siberia-winter-trek

သွားမယ့်အချိန်ကိုရွေးပြီးတဲ့နောက်မှာ ဘယ်နိုင်ငံမှာ ဘယ်လောက်နေမလဲ ။ခရီးစဉ်တစ်လျှောက်ဘယ်မြို့ကိုဝင်မလဲဆိုတာကို စဉ်းစားရတာ တကယ်ခေါင်းခြောက်ပါတယ် ။ ခရီးစဉ်အတွက် အချိန်ဘယ်လောက်ပေးရမလဲဆိုတာကိုလည်း မမေ့မလျော့တွက်ရပါသေးတယ် ။ တကယ်တော့ Trans Siberian (ဘေဂျင်း ၊ မွန်ဂို ၊ ရုရှား) ခရီးစဉ်ကို ဘယ်နေရာမှာမှမရပ်ဘဲ ရထားနဲ့ ဆက်တိုက်သွားမယ်ဆို ရထားပေါ်မှာတင် ခြောက်ည တိတိ အချိန်ပေးရတဲ့ ခရီးစဉ်ဖြစ်ပါတယ် ။ နောက်ပြီး East bound သွားမလား West bound သွားမလားစဉ်းစားရပြန်တယ် ။ ထုံးစံအတိုင်းပဲ စင်ကာပူနဲ့နီးတဲ့ ဘေဂျင်းကနေခရီးစမယ် မွန်ဂိုလီးယားမှ တစ်ည လောက်နေမယ် ရုရှားမှာ ၃မြို့ ၄ မြို့လောက်ဝင်လည်မယ် မော်စကိုမှာ ဂိတ်ဆုံးမယ်ဆိုပြီး စီစဉ်ထားကြပါတယ် ။ စုစုပေါင်းက နှစ်ပတ် ကြာမယ်ပေါ့ ။ ဒါပေမယ့် အတူသွားမယ့်သူငယ်ချင်းက မွန်ဂိုကိုလည်းအချိန်ပေးချင်သေးတယ်ဆိုတော့ ရုရှားမှာနေမယ့်အချိန်တွေကိုလျေ့ာပြီး Central Mongolia ကို လေးညမဟုတ်ရင် ငါးညသွားလည်ကြမယ်ဆိုပြီးဆုံးဖြတ်လိုက်ကြပါတယ် ။ သွားမယ့်အချိန်က စုစုပေါင်း ၂ ပတ် .. သွားရမှာ ၃ နိုင်ငံဆိုတော့ အသေးစိတ်တွက်ကြည့်လိုက်ပါတယ် ။

ဘေဂျင်းကနေ မွန်ဂိုလီးယားမြို့တော် Ulaanbaatar ကို နာရီ ၃၀ ရထားစီးရမှာပါ ။ ဘေဂျင်းမှာ Great Wall တွေ ဘာတွေလည်ဖို့ တစ်ရက်လောက်တော့ အချိန်ပေးရဦးမယ် ဒါ့အပြင် ဗုဒဟူးမနက် ရထားထွက်မှာဆိုတော့ တနလာင်္ ဒါမှမဟုတ် အင်္ဂါနေ့မှ ဒီကနေထွက်ရင် သောကြာည ၊ စနေ ၊ တနင်္ဂနွေ စုစုပေါင်း ၃ ညလောက် အချိန်ပုပ်သလို ဖြစ်သွားပါတယ်။ နောက်ပြီးတော့ သွားမယ့်ရက်က တရုတ်နိုင်ငံရဲ့ ရုံးပိတ်ရက် public holiday ဖြစ်တော့ လူတအားထူထပ်တဲ့အချိန်ပါ ။ ဒါက ပထမအချက်။ ဒုတိယအချက်အနေနဲ့တော့ ရုရှားဟာ အရမ်းကြီးတဲ့ တိုင်းပြည်ပါ ။ မြို့သေးလေးတွေ အများကြီးရှိပေမယ့် tourist attraction ရှိတဲ့ တစ်မြို့နဲ့တစ်မြို့ကို ရထား နာရီ လေးဆယ် ငါးဆယ် စီးမှ ရောက်ပါတယ်။ Real Russia website က လုပ်ပေးတဲ့ Trans Siberian Planner နဲ့ သေသေချာချာတွက်ကြည့်လိုက်တဲ့အခါမှာတော့ ခုနစ်ရက်ဆိုတဲ့ အချိန်နဲ့ဆိုရင် ရထားစီးရုံသက်သက်ပဲ အချိန်ရမှာဖြစ်ပြီးတော့ မြို့တွေမှာ ဆင်းလည်ဖို့အချိန်မရနိုင်တော့ပါဘူး ။ ရထားပေါ်မှာတင် ခုနစ်ရက် တစ်ပတ် နေဖို့က မလွယ်တော့  တစ်နေရာရာကိုဖြုတ်မှရပါတော့မယ် ။ အဲဒီနှစ်ချက်နဲ့တင်ပဲ အချိန်မရွေးသွားလို့ရတဲ့ တရုတ်ပြည်ကို ချန်ခဲ့ပြီး မွန်ဂိုလီးယားကနေ ခရီးစမယ်ဆိုပြီး စီစဉ်လိုက်ကြပါတော့တယ် ။ အလွန်အသုံးဝင်တဲ့ Trans Siberian Trip Planner ကို ဒီလင့်မှာသွားကြည့်လို့ရပါတယ် ။

စင်ကာပူကနေ တရုတ်ပြည်ကို ဈေးသက်သက်သာသာ သွားနိုင်ပေမယ့် မွန်ဂိုလီးယားကိုကျတော့ ဈေးကြီးပါတယ် ။ ဒီတော့ ဈေးချမယ့်အချိန်ကိုစောင့်ရင်း ရုရှားကနေ စင်ကာပူကို ပြန်လာမယ့်လက်မှတ်ကို Qatar Airway နဲ့ အရင်ဝယ်လိုက်ကြပါတယ် ။ အသွားအတွက်တော့ ဈေးချမယ့်အချိန်ကိုစောင့်ပေမယ့် သိသိသာသာ သက်သာတဲ့ဈေးမရှိတာနဲ့ Air China ကနေပဲ အလျဉ်းသင့်သလိုဝယ်လိုက်ကြပါတယ် ။ စင်ကာပူကနေ မနက်အာရုံ 00:15 မှာထွက်ပြီး တရုတ်ကို မနက် ငါးနာရီကျော်မှာရောက်မယ် ။ တရုတ်ကနေ မွန်ဂိုကို ဆက်သွားပြီး မွန်ဂိုကို မနက် ၁၁ နာရီမှာရောက်မယ့် အစီစဉ်ပါပဲ ။ Airline အကြောင်းတော့ နောက်ကြုံမှပဲရေးပါတော့မယ် ။ လေယဉ်လက်မှတ်တွေဝယ်ပြီးသွားမယ်ဆိုတော့ နောက်ထပ်စိတ်ပူရမှာတစ်ခုက ဗီဇာကိစ္စပါပဲ ။ ဒီကြားထဲမှာ မသိရင်မသိသလို lonely planet forum မှာသွားမေးဖြစ်ပါတယ် ။ Travel blog တွေကို အထပ်ထပ်ဖတ်..၃ ယောက်သား ခေါင်းချင်းဆိုင်ပြီး အကြိမ်ကြိမ်အခါခါဆွေးနွေးကြရပါတယ် ။ lonely planet က မန်ဘာတွေကလည်း အားကိုးရပါတယ် ။ မေးသမျှကို ၀ိုင်းဖြေပေးကြပါတယ်။

ဒီလိုနဲ့ ဗီဇာလျှောက်ဖို့ ပြင်ဆင်ကြပါတယ် ။ ဗီဇာလျှောက်မယ်ဆိုတာနဲ့ ပထမဆုံးလိုတာက ခရီးသွားအာမခံ (travel insurance) ၀ယ်ရပါတယ် ။ တစ်ခြားနိုင်ငံတွေဆိုရင် အာမခံဝယ်ပြီးတာနဲ့ လိုအပ်တဲ့ စာရွက်စာတမ်းတွေ ၊ဘဏ်စာရင်းတွေ ၊ အလုပ်ထောက်ခံစာ ၊ ကျောင်းသားဆိုရင် ကျောင်းထောက်ခံစာတွေ လိုပေမယ့် ရုရှားအတွက်ကတော့ အဲဒါတွေမလိုပါဘူး ။ သူ့အတွက်လိုတာက ဖိတ်ခေါ်စာ (visa support / invitation letter) ။ အဲဒီ ဖိတ်ခေါ်စာတွေကိုလည်း Russia ကနေ travel agency ဒါမှမဟုတ် hotel/hostel ကမှ တရားဝင် ထုတ်ပေးခွင့်ရှိပါတယ် ။ ဒီတော့ တချို့ဟော်တယ်တွေက သူတို့နဲ့ booking လုပ်ရင် invitation letter ကို အလကားပေးတဲ့ အစီစဉ်မျိူးလေးတွေ လုပ်ထားပေးကြပါတယ် ။ နောက် Real Russia website ကနေပြီးတော့လည်း သူတို့ဆီက ဟော်တယ် ဒါမှမဟုတ် ရထားလက်မှတ် ၀ယ်ရင် ဖိတ်စာအလကားပေးပါတယ် ။ ဒီလိုမှမဟုတ်ရင်လည်း သူတို့ဆီကနေ single entry အတွက် ၁၅ ပေါင်ပေးပြီးဝယ်ရပါတယ် ။

ဗီဇာမရသေးခင် ဟော်တယ် ရထားလက်မှတ်တွေမ၀ယ်သင့်သေးတာမို့ invitation letter ကို ၁၅ ပေါင် ပေးဝယ်မယ်လုပ်တော့… မြန်မာနိုင်ငံသားတွေအတွက်ဆိုရင် ရထားလက်မှတ် ဟော်တယ်ဘွတ်ကင်မပါဘဲ အလွတ်ဝယ်လို့မရနိုင်ပါဘူးဆိုပြီး realrussia က အကြောင်းပြန်လာပါတယ် ။ အွန်လိုင်ဆိုဒ်ပေါင်းစုံမှာ လင့်ပေါင်းစုံကို အီးမေးလ် ပို့ပြီးမေးပါတယ်။ တော်တော်များများကတခြား နိုင်ငံသားတွေအတွက် အလွယ်ပေးပေမယ့် မြန်မာ နိုင်ငံသားတွေအတွက်ကျတော့ ဈေးတွေ အများကြီးတောင်းပါတယ် ။ တချို့ကျတော့လည်း credibility မရှိတဲ့ပုံစံမျိူးခံစားရတော့ မယုံရဲပါဘူး ။ နောက်ဆုံးမှာတော့  Global Singapore ဆိုတဲ့ visa centre မှာလုပ်ဖြစ်သွားပါတယ် ။ invitation letter တစ်ခုတည်းအတွက်ပဲ စင်ကာပူဒေါ်လာ ၁၄၆.၀၆ ပေးရပါတယ် ။ တခြားနိုင်ငံသားဆိုရင် စင်ကာပူဒေါ်လာ ၃၀ လောက်ပဲ ကုန်တဲ့အချိန် ကိုယ်တွေအတွက်တော့ ၁၄၆.၀၆ တိတိပေးခဲ့ရပါတယ် ။ဖိတ်ခေါ်စာရပြန်တော့ visa လျှောက်ဖို့ပြင်ဆင်ရပါတယ် ။ visa ကိုလည်း ရုရှားသံရုံးမှာတိုက်ရိုက်လျှောက်ခွင့်မရှိဘဲ VFS ဆိုတဲ့ တရားဝင် agency မှာလျှောက်ရပါတယ် ။ Visa ကြေးကလည်း တခြားနိုင်ငံတွေထက်ဈေးကြီးပါတယ် ။ ဗီဇာလျှောက်ပြီး ၄ ရက်နေရင် လာထုတ်လို့ရပြီဆိုပြီး လျှောက်ကတည်းကမှာလိုက်ပါတယ် ။ ရင်တမမနဲ့ status tracking ကြည့်ရင်း ၃ ရက်မြောက်နေ့မှာ approve ဖြစ်တဲ့ status ကိုတွေ့ပါတယ် ။ ၄ ရက်မြောက်နေ့ ညနေပိုင်းမှာ passport စာအုပ်ကို သွားထုတ်လိုက်ပါတယ်။

ဗီဇာတစ်ခု ချောချောမောမော ရပြီဆိုတော့ မွန်ဂိုလီးယား ဗီဇာအတွက်ထပ်ပြင်ဆင်ရပါတယ် ။ မွန်ဂိုလီးယား ဗီဇာက လျှောက်ရတာလွယ်ပါတယ် ။ သူလည်း invitation letter လိုတယ် ။ ဗီဇာတွေမလျှောက်ခင်ကတည်းက Majestic Gobi Tour နဲ့ ချိတ်ပြီးတော့ လေးရက်တာ Central Mongolia Tour အတွက် စီစဉ်ထားပြီးသားဖြစ်ပါတယ် ။ Majestic Gobi Tour က ဈေးလည်းသက်သာတဲ့အပြင်  မေးသမျှမေးခွန်းတွေကို မြန်မြန်ဆန်ဆန်ဖြေပါတယ် ။ မိန်းကလေး ၃ ယောက်တည်းသွားမယ့် ခရီးအတွက် secure ဖြစ်အောင်လည်း စီစဉ်ပေးမယ်ဆိုပြီး အာမခံတာမို့ အဲဒီ Tour ကို ရွေးဖြစ်သွားတာပါ ။ tour ခ က လူတစ်ယောက်စီအတွက် တစ်ရက်ကို ၇၅ Usd ပါ ။ လူနည်းတဲ့ရာသီမို့ 65 ကျပ်နဲ့လျော့ပေးပါတယ် ။ Tour တွေထုံးစံအတိုင်း လူများလေ ဈေးပိုသက်သာလေပါပဲ ။ လူ ငါးယောက်အထက်ဆိုရင် တစ်ရက်ကို လေးဆယ် ကျော် ငါးဆယ် ၀န်းကျင်နဲ့ရနိုင်ပါတယ်။  ထို ၆၅ ကျပ်ထဲမှာ သွားသမျှနေရာကို လိုက်ပို့ပေးမယ့် ကားမောင်းသမား နဲ့ ကား ၊ guide လုပ်ပေးမယ့် tour guide ၊   ညအိပ်စရာနေရာ အပြင် တစ်နေ့ကို ၃ နပ် စားစရာသောက်စရာတွေကျွေးပါတယ် ။ တစ်နေ့ကို ရေတစ်ယောက် တစ်လီတာ ခွဲတမ်းပေးပါတယ် ။ စားစရာအတွက် ဆိုင်တွေ့ရင် ဆိုင်မှာစားပြီးတော့ ဆိုင်မရှိတဲ့နေရာကိုရောက်ရင် ထို guide ကပဲ ထမင်းချက်ကျွေးပါတယ်။  ၃ ယောက်လုံးက သားကြီးငါးကြီးတွေ မစားတဲ့အတွက် vegetarian meals တွေကိုပဲ စီစဉ်ပေးဖို့ပြောထားကြပါတယ်။ ဒါ့အပြင် အဲဒီ Tour က ပဲ ဖိတ်ခေါ်စာပို့ပေးမယ့် အပြင် လေဆိပ်မှာလည်းလာကြိုပြီး ပြန်ပို့ပေးမှာပါ။ (ဘယ်လောက်တန်လဲနော်) ။ စုစုပေါင်း တစ်ယောက်ချင်းစီအတွက် tour ခ ငါးရက်စာ USD 325 ကျပ်ပေးရမှာဖြစ်ပါတယ် ။

Majestic Gobi Tour ကနေ ဖိတ်ခေါ်စာရပြီးတဲ့နောက်မှာ မွန်ဂိုလီးယားဗီဇာလျှောက်ဖို့အတွက် ဘဏ်ကို သတ်မှတ်ထားတဲ့ ပိုက်ဆံသွင်းရပါတယ် ။ ပိုက်ဆံသွင်းထားပြီးတဲ့ transaction ကို print ထုတ်ပြီးယူသွား ၊ ဖိတ်ခေါ်စာကိုပါတွဲပြီးပြရင် အာမခံတွေ ic ကော်ပီတွေတောင်မတောင်းပါဘူး ။ လူကိုယ်တိုင်တောင်သွားစရာမလိုဘဲ လွှဲစာနဲ့တင်လျှောက်လို့ရပါတယ် ။ လျှောက်ပြီး ၃ ရက်အကြာမှာပဲ passport စာအုပ်သွားပြန်ယူလို့ရပါပြီ။

ဗီဇာနှစ်ခုလုံးရပြီးတော့ ရထားလက်မှတ်ဝယ်ဖို့ပြင်ဆင်ရပါတယ် ။ ပုံမှန်အားဖြင့် ရထားလက်မှတ်တွေကို RZD website မှာ တိုက်ရိုက်ဝယ်လို့ရပါတယ် ။ အားနည်းချက်အနေနဲ့ကတော့ သူ့မှာ english version မရှိပါဘူး ။နောက်ပြီးတော့ ရထားလက်မှတ်တွေကို ၄၅ ရက်ပဲ ကြိုဝယ်လို့ရပါတယ် ။ ဒါမှမဟုတ် Agency က တစ်ဆင့်ဝယ်ချင်ရင်လည်းရပါတယ် ။ Agency က ၀ယ်ရင်တော့ ကြိုက်သလို စောဝယ်လို့ရပေမယ့် ဈေးကတော့ ထုံးစံအတိုင်းပိုကြီးတာပေါ့ ။ Realrussia ကနေပဲအ၀ယ်များကြပါတယ် ။ သူတို့ဆီမှာဝယ်ရင် ခရီးစဉ်တစ်လျှောက်လုံးအတွက် စီစဉ်ပေးပြီး ဘယ်မြို့မှာရပ်ချင်လဲသာပြောလိုက် အစအဆုံးစီစဉ်ပေးတယ် ။ ကိုယ်တွေကတော့ ၄၅ ရက်ထက်လည်းစောဝယ်ချင်တယ်..ဈေးအများကြီးလည်းမပေးနိုင်တော့ အမြတ်အနည်းဆုံးယူတဲ့ tutu ဆိုတဲ့ english website ကနေပဲဝယ်လိုက်ကြပါတယ် ။ ရထားလက်မှတ်ဝယ်ရတာ တကယ်တော့ အရမ်းခေါင်းစားပါတယ် ။ ဘယ်မြို့ကိုဘယ်အချိန်ရောက်မယ် ဘယ်အချိန်ပြန်ထွက်မလဲ ဘယ်အတွက်ဝယ်မလဲဆိုတာကို အခါတစ်ရာမက အပြန်ပြန်အလှန်လှန်စဉ်းစားရပါတယ် ။နောက်ပြီးတော့ ခရီးစဉ်တစ်လျှောက်မှာ စံတော်ချိန်တွေကိုမတူပေမယ့် ရထားတွေအကုန်လုံးက မော်စကို စံတော်ချိန်နဲ့ပဲ ပြေးဆွဲတဲ့အတွက် အချိန်တွေကွာဟနေတာကိုလည်း မမေ့မလျော့တွက်ရပါတယ် ။

ဘေဂျင်းကနေ စတဲ့ရထားဟာ မွန်ဂိုလီးယား Ulan-Bator  မြို့တော်ကနေပြီးတော့ ရုရှား  Ulan-Ude, Irkutsk,Tayshet,Krasnoyarsk, Novosibrisk,Omsk,Tyumen,Yekaterinburg, Kazan/Perm, Vyatka(Kirov), Nizhni Novgorod, Vladimir မြို့တွေမှာရပ်ပြီးတော့ Moscow မြို့တော်မှာဂိတ်ဆုံးပါတယ်။ ဒီတော့ ကြားထဲမှာ ဘယ်မြို့မှာ ရပ်မလဲ မွန်ဂိုကနေ ရုရှားကို ကားနဲ့ သွားမလား ရထားနဲ့သွားမလားဆိုတာကို စဉ်းစားကြပါတယ် ။ မွန်ဂိုကနေ ရုရှား Irkutsk (အီရားကွတ်စ်) ကို ကားနဲ့သွားရင် ၁၈ နာရီကြာပြီးတော့ ရထားနဲ့သွားရင် ၂၄ နာရီကြာပါတယ် ။ ကားနဲ့သွားရင် အားနည်းချက်တစ်ခုတော့ရှိတယ် ။ ကားက Ulan Ude ဆိုတဲ့ ရုရှားမွန်ဂို နယ်စပ်မြို့မှာ ဂိတ်ဆုံးပါတယ် ။ ကြာချိန်ကတော့ ဆယ်နာရီ ။ ကားကနေ ရထား ရှစ်နာရီပြောင်းစီးမှ Irkutsk ကိုရောက်နိုင်မယ် ဒါပေမယ့် အချိန် ၆ နာရီလောက်ပိုထွက်လာမယ်ဆိုတော့ ကားနဲ့သွားမယ်ဆိုပြီးပဲ ဆုံးဖြတ်လိုက်ကြပါတယ် ။ ကားလက်မှတ်ကိုလည်း Majestic Gobi Tour ကပဲ အမြတ်အစွန်းပေးစရာမလိုဘဲ ၀ယ်ထားပေးပါတယ် ။ ကားလက်မှတ်က ၂၈ usd ပါ ။ ရထားနဲ့သွားတက်ထက် အများကြီးဈေးပိုသက်သာပါတယ် ။ နောက်စိုးရိမ်စရာတစ်ခုရှိတာက မွန်ဂိုမြို့တော်ကနေ မနက် ၇ နာရီခွဲ ကားထွက်ရင် ရုရှား Ulan Ude ကို ည ရ နာရီခွဲရောက်မှာပါ ။ ရထားချိန်က ည ဆယ်နာရီ ကျော်ဆိုတော့ လမ်းမှာကားပျက်တာမျိူး အကြောင်းအမျိူးမျီုးကြောင့် immigration မှာ ပြသနာတက်တာမျိူးဆိုရင် ရထားမမှီနိုင်ပါ ။ နောက်ပြီးတော့ လမ်းပျောက်နေတာမျိူးဖြစ်ရင်လည်း ရထားချိန်လွတ်မှာမို့ risk တော်တော်များတဲ့ ဆုံးဖြတ်ချက်ပါပဲ ။ ဒါပေမယ့် ဖြစ်ချင်ရာဖြစ်ဆိုပြီးတော့ပဲ ကားနဲ့သွားဖို့ပဲ ဆုံးဖြတ်လိုက်ကြပါတော့တယ်။

လမ်းတစ်လျှောက်က ဘယ်မြို့ကိုဝင်လည်မလဲ စဉ်းစားတော့ စိတ်ဝင်စားစရာမြို့တွေကအများကြီးပါပဲ ။  ဒီအထဲမှာမှ Irkutsk မှာ ကမ္ဘာ့အနက်ဆုံး ကန် lake Baikal (ဘိုင်ကယ်လ် lake) ကိုတော့ မဖြစ်မနေသွားရမယ် ၊ Baikal ကိုသွားဖို့ Irkutsk ကို ၀င်မှရမယ်ဆိုတော့ Irkutsk မှာ နှစ်ရက်နေဖို့ စီစဉ်ပါတယ် ။ နောက်တစ်မြို့ကတော့ Yekaterinburg (အီကာတာရင်းဘွခ်) ဆိုတဲ့မြို့ အဲဒီမြို့မှာ အာရှနဲ့ ဥရောပ border မျည်းရှိတယ် ။ သူ့တစ်မြို့တည်းမှာတင် Yekaterinburg (Asia),  Yekaterinburg (Europe) ဆိုပြီးကွဲသေးတာမို့ စိတ်ဝင်စားစရာမြို့လေးပါပဲ ။ နောက်ပြီးတော့ အဲဒီမြို့မှာ နောက်ဆုံးဇာဘုရင်နဲ့ မိသားစုအတွက် ဆောက်လုပ်ထားတဲ့အမှတ်တရနေရာရှိတယ်။ Kazan ဆိုတဲ့ မြို ကတော့ မူဆလင် ယဉ်ကျေးမှုလွှမ်းမိုးတဲ့ တစ်ခုတည်းသော မြို့ ၊ ရုရှားရဲ့ တတိယအကြီးဆုံးမြို့ပေါ့ ။ မော်စကိုကတော့ ဂိတ်ဆုံးမြို့ဆိုတော့ မဖြစ်မနေသွားရမယ့်မြို့ ။ စိန့်ပီတာစဘတ်မြို့ (တကယ့်အသံထွက်အမှန်က စန့်ပီ့ဂျာရဘွတ်ခ် တဲ့) ကိုလည်း ရောက်အောင်ဝင်ချင်သေးတော့ ဘယ်မြို့ဝင်ရမလဲ ဗျာများကြသေးတယ် ။ စိန့်ပီတာစဘတ်ကတော့ Trans Siberian route ထဲမှာမပါပေမယ့် ရောက်တုန်းရောက်ခိုက်ဝင်လည်ကြတဲ့သဘောပါပဲ ။

ဒီလိုနဲ့ Ulan-Ude >Irkutsk > Yekaterinburg > Kazan > Moscow > Saint Petersburg  ကို သွားမယ် ပြီးတော့မှ Moscow ကို ပြန်လာမယ်ဆိုပြီး စီစဉ်လိုက်ကြတယ် ။  ဘာလို့ Saint Petersburg ကနေ မပြန်ဘူးလဲဆိုတော့ အဲဒီကနေ စင်ကာပူကို ပြန်ရင် လေယဉ်လက်မှတ်တွေဈေးကြီးလို့ပါပဲ ။ ဒီလိုနဲ့ အချိန်တွေ ပြန်တွက်ရင်း မလောက်တာနဲ့ ၂ ပတ်ကနေ နောက် ထပ် ၃ ရက်တိုးပြီး ၁ရ ရက်ဖြစ်သွားပြန်တယ် ။ ၁ရ ရက်နဲ့တောင်မှ အချိန်မလောက်တာမို့ Kazan ကို ဖြုတ်ပြီးတော့ Yekaterinburg ကနေ Saint Petersburg ကို တိုက်ရိုက်သွားတဲ့ရထားစီးကြမယ်ဆိုပြီး အချိန်တွေပြောင်းလိုက်ပါတော့တယ် ။ ဒီတော့ ရုရှားမှာ စုစုပေါင်းသွားမယ့် မြို့က Ulan-Ude ပါ ထည့်ရင် ငါးမြို့ပေါ့ ။ မြို့တွေဆုံးဖြတ်ပြီးတာနဲ့ အချိန်ကုန်သက်သာအောင် ညရထားတွေလိုက်ရှာပါတယ် ။ Real Russia ရဲ့လက်မှတ် time table ကြည့်တဲ့နေရာကို ၃ ယောက်သား အခါ တစ်ရာမက ကြည့်ပြီးတဲ့နောက်မှာဘယ်အချိန်သွားမလဲဆိုတာကို အတိအကျ သတ်မှတ်လိုက်ကြပါတော့တယ် ။

(ပြင်ဆင်တာကတော့ ဒီမှာပဲ ပြီးပါပြီ ခရီးသွားအတွေ့အကြုံကို နောက်တစ်ပိုင်းမှာဆက်ပါဦးမယ်)

 

Ulan Ude Credit – http://www.trans-siberian-travel.com/resources/gallery-maps/pictures-from-ulan-ude.html

Genghis Khan – ဂျင်ဂျစ်ခန်

 

ပုံလေးတွေကြည့်ချင်ရင် instagram မှာ follow လုပ်ပြီးကြည့်လို့ရပါတယ်။
https://www.instagram.com/bella_travel_diary/

Trans Siberian ခရီးစဉ်-၁

Trans Siberian ခရီးအကြောင်းကို travel blogger တွေရေးသလို step by step ရေးမယ်လို့ ခရီးမသွားခင်က စဉ်းစားဖူးခဲ့တယ်။ ဒါပေမယ့် စာရေးမယ်ဆိုရင် ပေါ့ပေါ့ပါးပါး စကားပြောလိုလို စကားပြောလိုလို ရေးချင်တာလေး ချရေးဖို့ အားသန်တဲ့ ကိုယ်ဟာ ရေးလက်စ ပထမပိုင်းမှာတင် ရှေ့ဆက်မတိုးဖြစ်တော့တာ တော်တော်ကြာပြီ ။  ကိုယ်အားမသန်တဲ့ step by step တွေကို အသေးစိတ်ရေးမယ့်အစား အပန်းလည်းပြေ အမှတ်တရလည်းဖြစ်မယ့် ပိုစ့်လေးတွေကို သတိရသလိုချရေးကြည့်မယ် ဆိုပြီး ဒီစာကိုရေးပါတယ်။

Trans Siberian Railway (ထရန် ဆိုက်ဘေးရီးယန်း မီးရထားလမ်း) ဆိုတာ တကယ်တော့   ရုရှားရထားကွန်ယက်(Russian railway network)  ရဲ့ တစ်စိတ်တစ်ဒေသပါပဲ ။ Moscow ကနေ  Vladivostok  မြို့အထိ ပြေးဆွဲတဲ့ မိုင်ပေါင်း ၅၇၇၂ မိုင်ရှည်တဲ့ ကမ္ဘာအရှည်ဆုံးရထားလမ်းတစ်ခုပါ ။ အဲဒီရထားလမ်းကို တစ်ဘက်မှာတော့ (European rail network) ဥရောပရထားကွန်ယက်နဲ့  ချိတ်ဆက်ထားပြီး Warsaw တို့ London တို့အထိ ရထားနဲ့သွားလို့ရတယ် ။ နောက်တစ်ဘက်စွန်းမှာကျတော့ ရုရှားနိုင်ငံ Vladivostok  မြို့အထိသွားချင်ရင်သွား ဒါမှမဟုတ် တရုတ်ရထားကွန်ယက် (Chinese rail network) နဲ့ ချိတ်ဆက်ပြီးတော့ တရုတ်ပြည်ကိုပဲသွားသွား စိတ်ကြိုက်သွားလို့ရတယ်။ မော်စကိုကနေ Vladivostok ကိုဘာသွားလုပ်လဲဆိုတော့ Vladivostok မြို့ကနေပြီးတော့ တောင်ကိုးရီးယားနဲ့ ဂျပန်ကို အပတ်စဉ် သဘောင်္ (ferry) ရှိတဲ့အတွက် ပစ္စည်းတွေဘာတွေ တင်ပို့ တင်သွင်းတာတွေ ၊ ခရီးသွားတာတွေလုပ်ဖို့အတွက် ထိုရထားလမ်းကို သုံးကြတာပါ။

တရုတ်ပြည်ကိုသွားတဲ့  တရုတ်ရထားကွန်ယက်(Chinese rail network) ကိုတော့ ထပ်ပြီး နှစ်မျိူးခွဲပါတယ် ။ တစ်ခုက မော်စကိုကနေ ဘေရျင်းကို မန်းချူးရီးယန်းဒေသကို ဖြတ်သွားတဲ့ Trans Manchurian နဲ့ နောက်တစ်ခုကတော့ မော်စကိုကနေ ဘေဂျင်းကို မွန်ဂိုလီးယားဒေသကိုဖြတ်တဲ့ Trans-Mongolian ဆိုပြီးတော့ ခွဲထားတာပါ ။ တရုတ်ပြည်ဘေ၈ျင်းကိုရောက်တော့ ဟောင်ကောင် ၊ ဗီယက်နမ် ကိုဖြတ်ပြီး ထိုင်း ၊ မလေးရှားအထိ ရထားနဲ့ ဆက်သွားလို့ရတဲ့အတွက် ဒီရထားလမ်းဟာ  ဥရောပနဲ့အာရှကိုဆက်သွယ်ထားတဲ့ တစ်ခုတည်းသောရထားလမ်းကြောင်းတစ်ခုပါပဲ ။ ပိုပြီးရှင်းသွားအောင် ပုံလေးထည့်ပေးထားပါတယ်။

 

photo credit – seat61

အဲလိုရထားခရီးစဉ်တွေအများကြီးရှိတဲ့နေရာမှာမှ Moscow ကနေ တရုတ်ကို မွန်ဂိုလီးယားကို ဖြတ်ပြီးသွားတဲ့ရထားလမ်းကြောင်းက နာမည်အကြီးဆုံး ၊ လူသွားအများဆုံး ရထားလမ်းကြောင်းတစ်ခုဖြစ်ပါတယ် ။ ဘာလို့ လူသွားများလဲဆိုတော့ မော်စကိုကနေ ဘေဂျင်းထိဆိုရင် time zone စုစုပေါင်း ၁၁ ခုကို ဖြတ်ကျော်ရပြီးတော့ ရထားနဲ့ ပျော်ပျော်ပါးပါး ခရီးသွားရင်း အာရှနဲ့ ဥရောပရဲ့ မတူညီတဲ့အလှတရားတွေကို တထိုင်တည်းခံစားလို့ရတာမို့ ထိုလမ်းကြောင်းဟာ လူသိများပြီး နာမည်ကြီးတဲ့ လမ်းကြောင်းတစ်ခုဖြစ်ပါတယ် ။

မော်စကိုကနေ ဘေဂျင်းကို တစ်ပတ် နှစ်ကြိမ် တိုက်ရိုက်ပြေးဆွဲတဲ့ရထားရှိပါတယ် ။ တစ်စီးကတော့  မွန်ဂိုလီးယား ဒေသကိုဖြတ်ပြီးတော့ နောက်တစ်စီးကတော့ မန်ချူးရီးယားဒေသကိုဖြတ်ပါတယ် ။ မွန်ဂိုလီးယားကို ဖြတ်တဲ့ရထားလမ်းက မိုင်ပေါင်း ၄၇၃၅ မိုင်ရှည်ပြီးတော့ ထိုခရီးအတွက် ခြောက်ညတိတိကြာအောင် ရထားစီးရပါတယ်။  မော်စကို ကနေ အပတ်စဉ် အဂါင်္နေ့ညတိုင်း ရထားထွက်ပါတယ်။ မော်စကိုကနေ ထွက်တဲ့ခရီးစဉ်ကို East Bound လို့ခေါ်ပြီး ဘေဂျင်းဘက်ကနေ မော်စကို ကိုသွားတဲ့ခရီးစဉ်ကိုကျတော့ West Bound လို့ခေါ်ပါတယ် ။ ဘေဂျင်းကနေတော့ အပတ်စဉ် ဗုဒ​ဟူးနေ့ မနက်တိုင်းထွက်ပါတယ် ။ ထိုရထားတွေကို international ရထားလို့ခေါ်ပြီးတော့ စားသောက်တွဲလည်းပါပါတယ် ။ ထိုရထားတွဲတွေပေါ်မှာ ရေချိူးလို့ရတဲ့ deluxe (နှစ်ယောက်ခန်း)တွေပါသလို ၊ လေးယောက်ခန်း first class, လေးယောက်ခန်း second class တွေလည်းပါပါတယ်။

မန်းချူးရီးယားဒေသကိုဖြတ်သွားတဲ့ရထားတွေကတော့  east bound ရော west bound ရော အပတ်စဉ် စနေနေ့တိုင်းသက်ဆိုင်ရာနိုင်ငံကနေထွက်ပါတယ်။ လမ်းကြောင်းဟာ ၅၆၂၃ မိုင် ရှည်ပြီးတော့ ကြာချိန်ကတော့ ခြောက်ရက်ဖြစ်ပါတယ်။ ခရီးစဉ်နှစ်ခုလုံးအတွက်ရထားလက်မှတ်ခတွေက သိပ်မကွာပါဘူး ။ ဒီလမ်းကြောင်းတင်မဟုတ်ပါဘူး ဒီရထားလမ်းတွေကိုသုံးပြီး  ခရီးသွားလာချိန်ပိုကြာတဲ့ slow train  တွေ ဈေးပိုကြီးတဲ့ special train/fast train တွေရှိပါသေးတယ် ။နောက်ပြီးတော့ local မှာပဲ သွားလာနေတဲ့ တခြားရထားတွေလည်းအများကြီးရှိသေးတာမို့ ကြိုက်တဲ့အချိန်မှာ ကြိုက်သလို သွားလာလို့ရပါတယ် ။

ပုံလေးတွေကို ကြည့်ချင်ရင် instagram မှာ bella_travel_diary ကို follow လုပ်ထားလို့ရပါတယ် ။ ပုံတွေ အလျဉ်းသင့်သလိုတင်ပါဦးမယ်။

 

ကိုးကား – https://www.seat61.com/Trans-Siberian.htm

 

 

စာအုပ်နှင့်ရောက်တတ်ရာရာ

ဒီညကနေစပြီး ၁၅ ရက်လောက် ပျောက်ပြန်ဦးမယ် ။ ဘာလုပ်မလို့လဲဆိုတော့ ခရီးသွားမလို့ ။ ၂ နှစ်၃ နှစ်နီးပါးသွားချင်ခဲ့တဲ့ ခရီးလေးကို အခုမှ အကောင်အထည်ဖော်နိုင်တာ ။ ခရီးသွားနေတုန်းမှာ ဖတ်ဖို့ စာအုပ် ငါးအုပ်သယ်သွားမယ် (၃ အုပ်ကတော့ ebook)။ ပြန်လာရင် စာအုပ် review လေးတွေရေးမယ်..။ ဖြစ်နိုင်ရင် ခရီးစဉ်အကြောင်းကိုလည်းရေးဦးမယ်လေ။ တစ်နှစ်တစ်ကြိမ်တော့ ခရီးသွားဖြစ်ပေမယ့် ဒီတစ်ခါ ခရီးသွားဖြစ်မှာကို နည်းနည်းစိတ်လှုပ်ရှားမိတယ် ။ ကိုယ်သွားနေကျအုပ်စုနဲ့မဟုတ်ဘူး ။ အသိ အမနှစ်ယောက်ရယ် ကိုယ်ရယ် သုံးယောက်ပဲ ..။ ခရီးကလည်း adventure အတွေ့အကြုံတွေကလည်းအများကြီးရမှာဆိုတော့ စိတ်လှုပ်ရှားမိတာအမှန်ပဲ ။ ဒီခရီးလေးသွားချင်နေတာ တော်တော်လေးကိုကြာပြီ ။ အဖော်ကောင်းမယ့်အချိန် အားမယ့်အချိန်ကိုစောင့်ရင်းနဲ့ ဒီအထိကြာသွားတာ ။  ၂လ ၃လ ခေါင်းချင်းဆိုင်တိုင်ပင် အချိန်ကုန်ငွေကုန်ခံပြီးစီစဉ်ထားကြတဲ့ခရီးလေး ။ နောက်မှအသေးစိတ်ရေးတော့မယ်နော် ။

ဆရာမကြီးခင်မျိူးချစ်ကိုသိပေမယ့် သူ့စာအုပ်တွေတစ်အုပ်မှမဖတ်ဖူးဘူး ။ မိုက်ကယ်အန်ဂျယ်လို ကိုကျတော့ တော်တော်လေးညွှန်းကြတာရယ်..ကိုယ်တိုင်လည်းအခုအချိန်မှာ မဆုတ်မတွံ့တဲ့ဇွဲလုံ့လတွေ လိုအပ်နေတယ်လို့ထင်မိလို့ ကိုယ့်ကိုယ်ကိုယ် motivate လုပ်မယ်ဆိုပြီး ဒီစာအုပ်ကိုဖတ်မှာ ။ အဲဒီစာအုပ်ကို ဖတ်မယ်ဆိုပြီးတေးထားတာကြာပြီ ဒါပေမယ့် မေ့နေလို့မဖတ်ဖြစ်ဘူး ။ မနေ့က ကြီးစု (စုချစ်သူ) ဆွဲတဲ့ ပန်းချီကားလေးကိုမြင်မှဖတ်ဖို့သတိရတယ်..။ ကြီးစုဆွဲတဲ့ပုံလေးက ကောင်းလိုက်တာ ။ အရမ်းသဘောကျတာပဲ ။ ဆရာစိုးသိမ်း ညနေခင်းသတင်းလည်း တော်တော်ညွှန်းကြလို့ဖတ်ဖို့စဉ်းစားထားတာ ။ နောက်ဆုံးပေါ်လိမ်နည်း နဲ့ စုံထောက်ဦးစံရှား ပေါင်းချုပ် ၂့  ကတော့..၀တ္တုရှည်တွေဖတ်လို့ ပျင်းရင်ဖတ်မလို့ ။ ဆရာဇ၀န ရဲ့ ဆိုးပေကတော့ စာဖတ်ဝါသနာပါသူတိုင်းဖတ်သင့်တဲ့ စာအုပ်လို့ပြောကြလို့ ဖတ်မှာ ။

၂၀၁၅ လောက်ကနေစပြီး စာဖတ်အားကျသွားလိုက်တာ ကိုယ့်ကိုကိုယ်နည်းနည်းမှအားမရဘူး ။ အင်္ဂလိပ်စာအုပ်ဆို ဝေလာဝေး ။ မနေ့က ဖတ်သင့်တဲ့စာအုပ်တစ်ရာဆိုပြီး မချယ်ရီ (ချစ်ချယ်လေး) ရှဲလို့ ပိုစ့်ကိုဝင်ကြည့်လိုက်တာ..ကိုယ်တစ်အုပ်မှမဖတ်ဖူးဘူးဆိုရင် အံသြကြမလားမသိဘူး ။ ၂၀၁၆ မှာ ကိုယ်ဖတ်ဖြစ်တဲ့အင်္ဂလိပ်စာအုပ်ဟာ Girl on the train ဆိုတဲ့ စာအုပ်တစ်အုပ်ပဲရှိတယ်။ တကယ်မှတ်မှတ်ရရ ပြီးအောင်ဖတ်ဖူးတာဆိုလို့ ဘ၀မှာ အဲဒီစာအုပ်တစ်အုပ်ပဲရှိခဲ့တာ ။ အင်္ဂလိပ်စာဖတ်အားကောင်းအောင် ကြိုးစားရဦးမယ် ။ ဒီနှစ်ထဲမှာတော့ ဘာပဲပြောပြော အောက်က ငါးအုပ်ကို ခရီးသွားရင် အပြီးဖတ်ခဲ့ပြီး review ပြောပြမယ်နော် ။ အားလုံးလဲ စာအုပ်တွေအများကြီးဖတ်ကြပါလို့ ။

ခင်မျိူးချစ် - မိုက်ကယ်အန်ဂျယ်လို
စိုးသိဏ်း - ညနေခင်းသတင်း
စိုးသိဏ်း - နောက်ဆုံးပေါ်လိမ်နည်းနှင့် ဂျက်ဖရီအာချာ လက်ရွေးစင်ဝတ္တုတိုများ
ဇဝန - ဆိုးပေ
ရွှေဥဒေါင်း- စုံထောက်ဦးစံရှား ပေါင်းချုပ် ၂

ကြီးစုလက်ရာ – မိုက်ကယ်အန်ဂျယ်လို

ကောင်းရာဘုံမှာငြိမ်းချမ်းကြပါစေ

မနေ့က နှစ်ဆန်းတစ်ရက်နေ့ ကိုသားငယ်ဆုံးတဲ့ သတင်းတက်လာတော့ စိတ်မကောင်းတော်တော်ဖြစ်ရတယ် ။ ကိုယ်နဲ့တော့အများကြီးမရင်းနှီးပေမယ့် facebook ထဲမှာ မြင်မြင်နေကျ အကိုကြီးဆိုတော့ ဆွေမျိူးရင်းချာတစ်ယောက်ဆုံးပါးသလို စိတ်မကောင်းဖြစ်ရတယ် ။ စိတ်က တစ်နေကုန်မကြည်တော့ လုပ်သမျှအလွဲလွဲအချော်ချော်..လက်ကိုဓားရှ ဟိုပြုတ်ကျ ဒီပြုတ်ကျ အကျီတွေအောက်ပြုတ်ကျနဲ့ တစ်နေကုန်ဖြစ်နေတော့တာ ။ ညနေပိုင်းမှာ ဖေ့ဘုတ်ဖွင့်လိုက်တော့ ကိုယ့်ပိုစ့်တစ်ခုအောက်မှာ ညီမ၀မ်းကွဲက လာရေးတယ် ။ အဖေညီ့မ အဒေါ်မိုးမိုးဆုံးပြီ ။ နှလုံးရောဂါ သွေးတိုးရောဂါနဲ့ မနက်ငါးနာရီမှာ ရုတ်တရက်ဆုံးတယ် ။ ကလေးက ငါးတန်းပဲရှိသေးတယ်ဆိုပြီးလာရေးတယ်..။ ရေးတာနဲ့ မပြီးသေးဘူး အသုဘရှုလို့ရအောင်ဆိုပြီး အလောင်းပြင်ထားတဲ့ပုံကိုပါလာပို့တယ် ။ ဆုံးတယ်လို့ ကြားတုန်းက စိတ်မကောင်းဖြစ်တာပဲရှိသေးတယ် ။ ပုံမြင်တော့ ကိုယ့်မှာရင်ထဲမှာဆို့လို့ ။ တကယ်တော့ အဒေါ်တွေနဲ့ သွေးသားသာတော်ကြတာ အဖေဘက်က ဆိုတော့ သိပ်ရင်းတဲ့ထဲမှမပါဘူး ။ ဒါပေမယ့် မြေးဦး တူမဦးဖြစ်တဲ့ ကိုယ့်ကိုတော့ အဒေါ်တွေ အရမ်းမရင်းပေမယ့် ချစ်ကြတယ် ။

ကိုယ့်ရီးရီးမိုးအကြောင်းကို ပြောရမယ်ဆိုရင်အရှည်ကြီးမှ အရှည်ကြီး ။ အဖေတို့မှာ မောင်နှမတွေအများကြီးရှိတဲ့ထဲက သူဟာ တစ်ဦးတည်းသောအခွင့်ထူးခံသမီး ။ မာနကြီးတဲ့ အဖွားရဲ့ အချစ်ကိုအရမ်းခံရတဲ့ သမီး ။ ဘာလို့လဲဆိုတော့ သူက အဖွားနဲ့အတူနေတဲ့သမီးဖြစ်တဲ့အပြင် ငယ်ငယ်တည်းကနေ နှလုံးရောဂါသည်မို့အချစ်ခံ ဂရုစိုက်ခံရတဲ့သမီး ။ အိုကြီးအိုမ အဖွားဟာ သူ့သမီးကို ငယ်ငယ်တည်းက ထမင်းချက်ကျွေးခဲ့တာ အိမ်ထောင်ပြုကလေးမွေးတဲ့အထိ ထမင်းချက်ကျွေးတုန်း ။ မရှိမရှားမိသားစုထဲကပေမယ့် ရီးရီးမိုးဟာ အဲဒီခေတ်က ဘီးဘဲလ် ထမီကိုရောင်စုံဝတ်နိုင်တာ တစ်မြို့လုံး သူတစ်ယောက်ပဲရှိတယ်တဲ့ ။

အဖေနဲ့အမေ အိမ်ထောင်ကျတော့ အဖွားအိမ်မှာခဏနေကြသေးတဲ့အချိန်..အမေက ကိုယ့်ကို ကိုယ်ဝန်ရတယ် ။ ကိုယ်တို့မြို့က တအားရေရှားတော့ ရေကိုတဝေးတလံက ခပ်ယူရတယ်။ အဲဒီလိုအချိန်မျိူးမှာ အဖွားဟာ ကိုယ်ဝန်သည် ကိုယ့်အမေကိုရေခပ်ခိုင်းတယ်…ဘာလို့လဲဆိုတော့ သူ့သမီးမိုးမိုးက နှလုံးရောဂါသည် သူကတော့ အသက်ကြီးပြီ အဖိုးကလည်းအလေးအပင်မထမ်းနိုင်တော့ အမေကပဲတစ်အိမ်လုံးသုံးဖို့ရေကို ကိုယ်ဝန်ကြီးနဲ့ ခပ်ရလို့ အဖွားနဲ့ အဖေနဲ့ ပြသနာတက်ကြတယ် ။ ကိုယ်ကြီးပြင်းခဲ့တဲ့ အိမ်ကို အဲဒီအချိန်မှာပြောင်းကြတယ်ဆိုပြီး အမေကပြောပြဖူးတယ်။

ရီးရီးမိုးဟာ အဲလောက်အချစ်ခံ အယုယခံရတယ် သမီး။ သူ့အောက်မှာ ညီမတစ်ယောက်ရှိပေမယ့် အဲဒီညီမ အဝေးမှာ အကိုတွေမောင်တွေကလည်းအိမ်ထောင်ကိုယ်စီနဲ့ဆိုတော့ အဖွားနဲ့အတူနေတာ ရီးရီးမိုးတစ်ယောက်ပဲရှိတဲ့အပြင် ငယ်ငယ်တည်းက မကျန်းမာတော့ အဖွားဟာ မေတ္တာပိုရှာတာ ။ ရီးရီးမိုးက အဲဒီအချိန်တုန်းကတော့ လ၀ကမှာ စာရေးမလုပ်တယ် ။ သူရတဲ့ လခကို အမေတွေအဖေတွေကိုပေးတာမဟုတ်ဘူး ။ သူက အဖွားရဲ့ နှစ်ထပ်အိမ်က အကောင်းဆုံးအခန်းမှာ တစ်ယောက်တည်းနေတာ ။ အဖွားတို့ကတော့ အောက်ထပ်မှာနေတယ် ။ ဖိနပ်ရောင်စုံ ၊ ထမီရောင်စုံ နဲ့ ကွန်းရိုးစင်း တီရှပ်ကိုကြိုက်လို့ ဘီဘဲလ် ထမီနဲ့ ၀မ်းဆတ်ဝယ်ထားတယ်တဲ့ ။ အလှပြင်ပစ္စည်းအစုံအလင်နဲ့ ရသမျှလခကို သူ့အတွက်ပဲသူသုံးတာ ။ လမင်းမိုမို နေနွယ်ဇင်မြင့် စုလှဖြူ ၀တ္တုတွေကို အသစ်ထွက်တာနဲ့ သူအရင်ဆုံးဖတ်လို့ရအောင် စာအုပ်ဆိုင်ကို အိတ်ထဲထည့်ထားသေးတာ ။ (စာအုပ်ဆိုင်ပိုင်ရှင်က သူ့ကိုပိုးတာကိုး) ။ အိမ်မှာအဖွားချက်တဲ့ ထမင်းကိုစား ရုံးလေးတက်လိုက် ၊ ထမီလှလှ ၊ ဖိနပ်လှလှစီးပြီး သူ့ကိုယ်သူ ဘယ်သူနဲ့မှတူတယ် တန်တယ်မထင်ဘဲ အပျိုကြီးလုပ်နေတာ တော်တော်ကြာတယ်။ အဖွားတို့ကတော့ အိမ်အောက်ထပ်မှာ လက်ဖက်ရည်ဆိုင်ဖွင့်ပြီး တခြားသားသမီးပေးတာတွေကိုစားရင်းနဲ့ ကိုယ့်ဝမ်းကိုယ်ကျောင်းကြတယ် ။

ဝါတွင်း ဥပုပ်နေ့တွေဆိုရင် အဖိုးတွေအဖွားတွေက ဥပုပ်စောင့်တော့ ရီးရီးမိုးပျင်းမှာစိုးလို့ ကိုယ်က အဖွားအိမ်ကိုသွားလည်တာမျိူးရှိတယ် ။ အဲဒီအခါကျရင် သူက ကိုယ့်ကိုတော့ ထမင်းချက်ကျွေးတယ် ။ သူ့စာအုပ်တွေလည်း ကိုယ့်ကိုယ်ပေးဖတ်တယ် ။ ဒါပေမယ့် သူ့အခန်းကိုတော့ ဘယ်တော့မှပေးမ၀င်ဘူး ။ ကလေးတွေဝင်ရင် သူ့အခန်းပွမှာစိုးလို့တဲ့ ။ ဘယ်သူမှမ၀င်ရဘူး သူစိတ်ပါရင် သူ့မိတ်ကပ်တွေဘာတွေလိမ်းပေးသေးတယ် ။ သူနဲ့ကိုယ်နဲ့ ရင်းနှီးမှုက မှတ်မိသလောက်တော့ အဲလောက်လေးပဲ ။ အဖေရဲ့
သွေးကြီးကြီး ညီမ ဆိုတာပဲမှတ်မိတယ် ။ ကိုယ်လည်းအ၇မ်းငယ်သေးတဲ့အချိန်မို့ဖြစ်ပါလိမ့်မယ် ။ နောက်ပိုင်းမှာ ကိုယ်တို့ စစ်တွေကိုပြောင်းသွားတယ် ။ တယ်လီဖုန်းတွေကလည်းဈေးကြီးတယ် ကိုယ့်တွေကလည်း ကလေးသာသာဆိုတော့ ဘယ်သူမှလည်းအဖက်မလုပ်ကြတော့ အဖေဘက်က အမျိူးတွေနဲ့ ဝေးဝေး ဝေးသွားကြတယ် ။

မှတ်မှတ်ရရ ကိုယ်ကိုးတန်းတက်ခါနီး (၂၀၀၃) အေပရယ်လမှာ ကိုယ်တို့စစ်တွေအိမ်ကို မလာစဖူးအဖွားက ပေါက်ချလာတယ် ။ အဲဒီအချိန်က တကယ်တော့ ကိုယ်တို့မိသားစုရဲ့ အခက်ခဲဆုံးကာလ ၊ စီးပွားရေမပြေလည် ၊ ကိုယ့်ကျူရှင်စရိတ်ကြီး ၊ မောင်အငယ်လေးက ၄ နှစ်သားအရွယ်ပဲရှိသေးတယ် ။ နွမ်းပါးတဲ့ ကိုယ့်အမေရဲ့ ညီမ နဲ့ သား ၂ ယောက် (divorced) မိသားစုကို လစဉ်တာဝန်ယူထားရဲ့အချိန် ၊ အခုနက အသုဘပုံလာပို့တဲ့ ညီမ၀မ်းကွဲက ၇ တန်း.. သူ့အတွက်ပါ ကိုယ်တို့မိသားစုက တာဝန်ယူထားတဲ့အချိန် ။ အဖေက အရာရှိဘ၀က စီးပွားရေးဖက်ကိုပြောင်းတဲ့အချိန် ၊ ရှိမဲ့စုပိုက်ဆံနဲ့ မောင်တောကို ဆန်ပို့တဲ့ ကိုယ်တို့ရဲ့ လှေတစ်စီးလုံး မှောက်သွားတဲ့အချိန် ..တစ်မိသားစုလုံး ပူပင်သောကဝေတဲ့အချိန်မှာ အဖွားက အိမ်ကိုလာပြီး သူတို့မိုးတွင်းမှာ စားဖို့ ပိုက်ဆံလိုတယ်ဆိုပြီးလာတောင်းတယ် ။ အိမ်တွင်းရေး ပြသနာကို သိသိကြီးနဲ့ မသိသလိုလုပ်ပြီး ဂရုမစိုက် အဖက်မလုပ်တဲ့ အဖွား ၊ အိမ်ကိုပိုက်ဆံလာတောင်းတာ မြေးတွေအတွက် ဘီစကစ်မုန့်လေးတောင် ပါမလာတဲ့အဖွားကို အမေတော့ ခုထိခွင့်မလွှတ်နိုင်ဘူး ။ ကိုယ်တို့မှာလည်း မပြေလည်တဲ့ကြားကနေပဲ..အမေက သူဝတ်ထားတဲ့ အခေါက်လက်ကောက် ၂ ကျပ်သားကို ချွတ်ပြီးအဖွားကိုပေးလိုက်တယ် ။

မိုးတွင်းအတွက်လိုတယ်ဆိုတော့လည်း ဘယ်တတ်နိုင်မျာလည်းဆိုပြီးပေးလိုက်တော့ သိပ်မကြာဘူး ..ရီးရီးမိုး မင်္ဂလာဆောင်တော့မယ်ဆိုပြီး သတင်းကြားရတယ် ။ ကိုယ်တို့မိသားစုကိုတော့ အဖွားတို့တွေ မဖိတ်ခဲ့ဘူး ။ ရပ်ကွက်သတင်းအရကြားတာကတော့ ကိုယ်တို့ပေးတဲ့ လက်ကောက်ကိုရောင်းပြီး အဖွားက ရီးရီးမိုးကို မင်္ဂလာဆောင်ပေးတယ်ဆိုပြီးကြားတယ်..။ ကိုယ့်အမေကတော့ မရှိတဲ့ကြားက ပေးလိုက်ရတဲ့ သူ့လက်ကောက်ကို နှမြောတယ် ။ အဖွားက သူ့သမီးအတွက်ဆိုရင် သူနဲ့မတည့်တဲ့ချွေးမဆီကတော့ သူ့မာန ကို ဘေးဖယ်ပြီးတော့ တောင်းပေးတတ်ခဲ့သေးတာ (ကျန်တဲ့အချိန်အိမ်ကို ခြေဦးတောင်လှည့်တာမဟုတ်ခဲ့ဘူး) ။

၂၀၀ရ ကိုယ် တက္ကသိုလ် တတိယနှစ် တက်တဲ့နှစ်မှာ အဖွားတို့ မြို့နားမှာရှိတဲ့ ဘဲငါးရာတောင်ကို သူငယ်ချင်းတွေနဲ့တက်ဖြစ်ခဲ့တယ် ။ ပြန်မယ့်ရက်ကျတော့ သီတင်းကျွတ်နဲ့မို့ စစ်တွေကို ပြန်မယ့်ကားမရှိတော့ အဖွားတို့မြို့က သူငယ်ချင်းအိမ်မှာ ကိုယ်တွေတစ်ည အိပ်ကြရသေးတယ် ။ အဲဒီအကြောင်းအသေးစိတ်ကို ဘလော့မှာရေးခဲ့ဖူးသေးတယ် ။ အဲဒီနေ့ က ကိုယ်အဖွားတို့အိမ်ကိုသွားလည်လိုက်သေးတယ် ။မီးမလာတဲ့ မှောင်မှောင်မဲမဲမြို့လေးထဲမှာ ကိုယ့်သူငယ်ချင်းအမေက ကိုယ့်ကို အဖွားအိမ်ကိုလိုက်ပို့တယ် ။ အဖွားက ထမင်းခူးခပ်ကျွေးတယ် ။ သူငယ်ပြန်နေတဲ့အဖိုးကတော့ ဘယ်သူ့ကိုမှ မမှတ်မိတော့ပေမယ့် သူ့မြေးဦး ကိုယ့်ကိုမှတ်မိတော့ကိုယ့်မှာ အရမ်းဝမ်းသာခဲ့ရသေးတယ် ။ သူတို့နဲ့ ညအိပ်ဖို့ခေါ်ပေမယ့် မနက်အစောကြီးကားနဲ့ထပြန်ကြမှာဆိုတော့ ကိုယ်တော့မအိပ်ခဲ့တော့ဘူး ။ အဖိုးနဲ့အဖွားကို ကန်တော့တော့ အဖွားက မုန့်ဖိုး တစ်ထောင်ပေးတယ် ။ ကိုယ်ကတော့ အဲဒီမုန့်ဖိုးတစ်ထောင်ကို အိပ်နေတဲ့ ရီးရီးမိုးသားလေး (အဲဒီတုန်းက တစ်နှစ်ဝန်းကျင်ထင်တယ်..) ကို မုန့်ဖိုး ပြန်ပေးခဲ့တယ် ။

ရီးရီးမို့း တို့ လင်မယားက ကိုယ့်ကို သူငယ်ချင်းအိမ်ကို ပြန်လိုက်ပို့ပေးကြတယ် ။ သီတင်းကျွတ်လရောင်အောက်မှာ ရီးရီးမိုးနဲ့ ကိုယ် စကားတပြောပြောနဲ့ သူငယ်ချင်းအိမ်ကိုရောက်လာခဲ့ကြတယ် ။ ဒါလွန်ခဲ့တဲ့ ၁၀ နှစ်လောက်က ရီးရီးမိုးနဲ့ နောက်ဆုံးတွေ့ဆုံခြင်းပဲ ။ ကိုယ်တွေမိသားစုလည်း ရန်ကုန်ကိုပြောင်း..ကိုယ်လည်းစင်ကာပူကိုလာနဲ့….အဆက်သွယ်တွေပြတ်ကုန်တာ…အေဖွားတို့ မိသားစုတွေပြေလည်ကြတယ်ဆိုတော့လည်း ၀မ်းသာရတယ် ။ စာမလာသတင်းမကြားနဲ့ နှစ်ပေါင်းများစွာကြာမှ…သူ နှလုံးရောဂါနဲ့မနေ့က မနက် ငါးနာရီမှာ ရုတ်တရက်ဆုံးတယ် ။ မဆုံးခင်တစ်ရက်နေ့က ရေတွေဘာတွေပက်နေသေးတယ်တဲ့…။ အသက်က ၄၈ တဲ့ ။ ဒီနေ့ သဂြိုလ်မယ်တဲ့ ။ သားလေးကတော့ ငါးတန်းတဲ့ ။

တကယ်တော့ လူ့ဘ၀က တိုတိုလေး …။ ကောင်းဟယ်ဆိုးဟယ်ထား ဘ၀တစ်ခုမှာ ဆွေမျိုးတော်စပ်ခွင့်ရတာက နည်းတဲ့ ကုသိုလ်ရေစက်လား ။ ဒီတစ်ပတ်အတွက် သူနဲ့ ကိုသားငယ်ကို ရည်စူးပြီးအလှူတစ်ခုလုပ်မယ်လို့ စီစဉ်ထားတယ် ။ ပြုခဲ့ဖူးသောကုသိုလ်တွေအတွက်အမျှပေးဝေပါတယ်..။ ကောင်းရာဘုံမှာ ငြိမ်းချမ်းကြပါစေ ။

နှစ်သစ်စကား

လူတွေဟာကြောက်စရာကောင်းတယ်။ community နှစ်ခုကြားမှာ ဖြစ်တဲ့ ပြသနာကို ethnic cleansing (လူမျိုးတုန်း သတ်ဖြတ်ခြင်း) ပါလို့ တစာစာအော်ကြတယ်.. ။ ကိုယ့်ဝမ်းတောင်ကိုယ်မဖူလုံတဲ့ တိုင်းပြည်ကို illegal immigrant (ခိုးကူး) တွေအတွက် အမေရိကန် standard နဲ့ host လုပ်စေချင်ကြတယ် ။ အမေရိကန် standard အရဆိုရင် health coverage ။ နေစရာထိုင်စရာ ၊ စားစရာသောက်စရာတွေကို အစိုးရက ခိုးကူတွေအတွက် ထောက်ပံ့ကြရမှာဖြစ်ပေမယ့် မြန်မာလိုဆင်းရဲမွဲတွေနေတဲ့ တိုင်းပြည်က ဘယ်လိုလုပ်ပေးနိုင်မှာလဲ ။ ရှိတဲ့ ပြည်သူ ပြည်သားတွေတောင် ကျောချစရာမရှိအောင် ဆင်းရဲနေကြတာကို ဘာလို့များ ရိုဟင်ဂျာတွေအတွက်ပဲ စဉ်းစားစေချင်နေကြတာလဲ ။
ဒေါ်အောင်ဆန်းစုကြည်လို ကိုယ့်ခံယူချက်အတွက် သမာသမတ်ကျကျလုပ်နေတဲ့လူတွေကိုကျတော့ ..ရိုဟင်ဂျာတွေ သေရတဲ့ သမိုင်းတရားခံလိုလို ပုံဖော်ကြတယ် ။

ပိုက်ဆံရှာရတာ ခက်ခဲတာမှန်ပါတယ် ။ ၀မ်းရေးအတွက် မရှိတာကို ရှိသလိုလုပ်ပြီး တိုင်းပြည်တစ်ခုလုံးရဲ့ image နဲ့ အနာဂတ် ကိုရင်းရဲတဲ့ BBC လို သတင်းဌာနတွေဟာ သိပ်အောက်တန်းကျလွန်းတယ် ။ မီဒီယာ ethic ဆိုတာမရှိတော့ဘူး ။ sponsor ၀မ်းသာရေး တို့အရေးလုပ်ပြီး တစ်ဖက်စောင်းနင်းဆန်ဆန် မေးခွန်းတွေမေး ၊ ဖြတ် ညှပ် ကတ် ပြီးတော့ အန်တီစုဟာ အပြစ်မရှိတဲ့လူကိုသတ်တဲ့ လူသတ်တရားခံလိုလို ဟစ်တလာလိုလို ဇာတ်လမ်းတွေဆင်ကြတယ် ။

အဖြေရှာကြည့်တော့ ကိုယ့်နိုင်ငံသားတွေ ပညာရေးအားနည်းရကနေစတယ် ။ တော်ရုံဆို အင်္ဂလိပ်လို နားလည်ပေမယ့် အင်္ဂလိပ်လိုချရေးဖို့ reply လုပ်ဖို့ကျတော့ ၀န်လေးကြတယ် ။ ဖိလစ်ပိုင် သမ္မတ မူးဆစ်ဆေးသုံးတဲ့သူတွေကို ပစ်သတ်ခွင့်ပေးတော့….. သမ္မတကို ဖိလစ်ပိုင်လူထုတော်တော်များများက အွန်လိုင်းပေါ်က သူ့သမ္မတနဲ့ပက်သက်သမျှသတင်းတိုင်းမှာ သူတို့ ချက်ကျလက်ကျပြန်ပြောကြတယ် ။ (သူ့လုပ်ရပ်မှန်တယ် မှားတယ်ဆိုတာ ခဏဘေးဖယ်ထားလိုက်ဦး) ။ ပြသနာတစ်ခုဖြစ်လာရင် အနည်းဆုံး ဒီဘက်ကအခြေအနေကို ဖိလစ်ပိုင်တွေက ပြန်ပြောနိုင်ကြတယ်။ ကိုယ်တွေမှာကျတော့.. ရိုဟင်ဂျာနဲ့ပက်သက်လာရင် အချင်းချင်းရန်ပတ်ဖြစ်နေရင်းနဲ့ကြနေ…အမှန်တရားဟာ ချောင်ထိုးခံရတယ်။ တစ်ခုခုဆိုရင် ချက်ကျလက်ကျ ပြန်ပြောနိုင်တဲ့သူ အရမ်းနည်းတယ် ။ တချို့ကျတော့ ပြောနိုင်လျက်နဲ့ စိတ်ပျက်လက်ပျက် မပြောကြတော့တဲ့သူတွေရှိတယ်။ ဒီတော့ လက်တွေ့မှာ အပ်ကလေးနဲ့ထိုးပါတယ်ဆိုတဲ့ကိစ္စမျိုးဟာ လူတွေပါးစပ်မှာတင်..ပုဆိန်နဲ့ပေါက်ပါတယ်ဆိုပြီး ချဲ့ကားခံရတယ် ။ ရှုံးပြီးရင်းရှုံးနေ ကြရတော့တာပဲ ။

မနက်က အန်တီစုကို BBC က မေးတဲ့မေးခွန်းတွေကိုကြည့်မိတာ ကိုယ့်အနေနဲ့ဒေါသထွက်ရမှာထက် စိတ်မကောင်းပဲဖြစ်မိတယ် ။ comment တွေဖတ်ပြီးတော့ ပိုဆိုးသွားတယ် ။ အန်တီစုဟာ ၀ဋ်ကြွေး ကြီးလိုက်တာလို့ ..။ ပြည်တွင်းမှာကျတော့လည်း ကုလားမစုကြည်တဲ့…။အဖွားအရွယ် မိန်းမ တစ်ယောက်ကို ယဉ်ကျေးလွန်းတဲ့ မဟာလူမျိူးတွေဆဲနေလိုက်ကြတာ ။ ရိုင်းနေလိုက်ကြတာ ။ ပြည်ပမှာကျတော့ လူသတ်တရားခံ သမိုင်းတရားခံတဲ့ ။ Oxfordမှာ အေးအေးဆေးဆေး စာလေးရေးပြီး ပိုက်ဆံလေးလှိမ့်ယူနေလို့ရတဲ့ဘ၀ကို စွန့်ပစ် ၊ သားတွေ မြေးတွေနားမှာ အဖွားလုပ်ပြီး တရားအားထုတ်နေလို့ရတဲ့ ဘ၀ကို စွန့်ပြီး ..မုန်တိုင်းထန်လွန်းတဲ့တိုင်းပြည်အတွက် ပါးရေနားရေတွေ တွန့်အောင် ဆံပင်
တွေ ဖြူအောင် အန်တီစုဟာ သူတတ်နိုင်တာကိုလုပ်ပေးနေပါတယ် ။ အကောင်းမမြင်နိုင်ရင်နေပါ..အနည်းဆုံးတော့သူလုပ်ပေးနိုင်တာကို လုပ်ပေးနေတဲ့သူကို ဘာလို့အမုန်းတွေပွားအပြစ်တွေရှာနေရမှာလဲ ။ BBC တို့လို ထမင်းစားရေးအတွက် ခုတုံးလုပ်ရတယ်ဆိုရင် လူကြားကောင်းပါသေးတယ် ။ ပြည်တွင်းက တချို့လူတွေကျတော့ ကိုယ်ဟာ အရင်စစ်အစိုးရအသုံးချခံဖြစ်လို့ဖြစ်မှန်းမသိ ။ ကိုယ့်ထမင်းကိုယ်စားပြီး ကြီးတော်နွားကိုကျောင်းပြီး အန်တီစုနဲ့ NLD ကို အပြစ်တွင်တွင်ဖို့နေကြတယ်။

စဉ်းစားကြည့်ပါ ။

အန်တီစုကို NLD ကို မထောက်ခံလို့ရပါတယ် ။ ဒါပေမယ့် ကိုယ်နဲ့မတူရင် ရန်သူလို့သတ်မှတ်ပြီး ထထဆဲတိုင်း ကိုယ်ဟာ မတူညီမှု (being different) ကို လက်မခံနိုင်သေးဘူးဆိုတာကို မြင်အောင်ကြည့်စေချင်သေးတယ် ။ ကုလား ကုလားနဲ့ ထထဆဲလို့ရပါတယ် ။ ဒါပေမယ့် ကုလား ဗမာ အားလုံးဟာ လူသားတွေဖြစ်တယ်ဆိုတာကို မမြင်တတ်သေးဘူး.. တရားတွေအားထုတ်နေပြီးတော့… ဒီအဖြူအမဲအသားရောင်အောက်မှာ အားလုံးဟာ ကမဌားန်ရုပ်တွေပါပဲဆိုတဲ့ အနိစ္စ ဒုက္ခ အနတ္တ ကို နားမလည်သေးဘူးဆိုတာကို မမေ့စေချင်ဘူး ။ ကုလားမစုကြည်ဖျက်လို့ ပြည်ပျက်မယ်လို့ ဆဲလို့ရပါတယ် ။ ဒါပေမယ့် နှစ်ပေါင်း ငါးဆယ်ကျော်ဖျက်ဆီးခံရလို့အရိုးပြိုင်းပြိုင်းနဲ့သစ်ပင်အိုကြီးလို တိုင်းပြည်ဟာ သန်းခေါင်ထက်ညည့်မနက်တော့တဲ့ ပျက်စီးပြီးသားတိုင်းပြည်ဆိုတာကို နားလည်စေချင်တယ် ။

Democracy icon ဆိုပေမယ့် အန်တီစုဟာလည်း လူသားဆန်စွာပဲ ပြီးပြည့်စုံတဲ့လူမဟုတ်ပါဘူး ။ ဒါပေမယ့် သူ့အိမ်ထောင်ဖက်ဟာ နိုင်ငံခြားသားဖြစ်တယ်ဆိုတာ တစ်ခုတည်းနဲ့ သူဟာ တိုင်းပြည်ကို ဖျက်မယ့်သူလို့ တသမတ်တည်းသတ်မှတ်နေလို့မရဘူး ။ အမျိူးကိုချစ်တယ်ဆိုတာဟာ လူမျိူးခြားနဲ့ သွေးမရောရုံ တစ်ခုတည်းမဟုတ်ဘူး ။ တခြားအကြောင်းအရာတွေ အများကြီးရှိပါသေးတယ် ။ ဒါဝင်သီအိုရီအရလူတွေဟာ မျောက်ကနေဆင်းသက်လာတယ်ဆိုတာသာမှန်ရင် မျောက်မျိူးဆက်တွေအချင်းချင်းပဲလေ… ဘာလို့များ မျောက်ချမ်းသာ မျောက်ဆင်းရဲ မျောက်ဖြူ မျောက်မဲ ခွဲနေဦးမှာလဲ ။ ငါတို့သည် မျောက်များသာ ပဲပေါ့ ။

ဒီမိုကရေစီခရီးက ရှည်ပါတယ် ။မုန်တိုင်းထန်ပါတယ် ။ ကိုယ်တွေလို နိုင်ငံရေးဝါသနာမပါတဲ့သူတွေ ဘေးထွက်ထိုင်နေတဲ့သူတွေ အများကြီးရှိပါတယ် ။ ရဲရဲတောက်တွေရှိပါတယ် ။ ဘေးထိုင် ဘုပြောတွေရှိပါတယ် ။ ဒါတွေအားလုံးဟာလည်း သဘာဝပါပဲ ။ ကောင်းသောပြောင်းလဲခြင်းတွေ ဖြစ်မလာသေးခင် ပေးဆပ်ကြရတာ သဘောဝကျပါတယ် ။ ဒါပေမယ့် ရိုဟင်ဂျာပြသနာဟာ အရင်စစ်အစိုးရကြောင့် ဖြစ်ရတာကို သိနေကြတဲ့လူအချင်းချင်း… နိုင်ငံတကာကိုပတ်ပြီးရှင်းမပြခင်…ဒီ NLD အစိုးရအပေါ်မှာ အမုန်းမျက်မှန်စိမ်းတွေခဏလောက်ချွတ်ပြီးတော့ ကောင်းဟယ်ဆိုးဟယ်မဝေဖန်ဘဲ ခဏလောက် နားလည်အောင် လေ့လာကြည့်စေချင်တယ်..။ တကယ်တော့ လူတိုင်းဟာ နတ်ရေကန်ထဲခုန်ဆင်းသလားမှတ်ရအောင် ဟတ်ချလောင်းဆိုပြီး ပြောင်းလဲစေချင်ကြတဲ့သူတွေချည်းပဲလေ။ ကိုယ်တွေလို သာမန်လူတွေတောင် ဒီလောက်ပြောင်းလဲစေချင်ရင်
ပြသနာတွေကို ဒိုင်ခံဖြေရှင်းနေရတဲ့သူတွေရော မပြောင်းလဲချင်ပဲနေမလားနော်…။ မကြာခင် နှစ်သစ်လည်းရောက်တော့မယ်ဆိုတော့ အာဃာတတွေဟူသမျှ နှစ်ဟောင်းမှာထားပြီး နှစ်သစ်ကို အချစ်တွေနဲ့ပဲ ဖြတ်သန်းကြမယ်လေ ။

မိပျင်း(သို့မဟုတ်)ကံဆိုးမလေး(၁)

မိပျင်း (သို့မဟုတ်) ကံဆိုးမလေး (၁)
 
မိပျင်းရယ်…ကံဆိုးမလေး
တောင်စဉ်ရေမရအတွေးမျှင်တန်းနောက်မှာ
တကောက်ကောက်လိုက်ရင်း
ရွက်ကြွေတစ်ရွက်လို
လေနှင်ရာ လွင့်နေပြီလား
ဂျင်းဘောင်းဘီ အရောင်ရင့်ရင့် တွေကိုနှစ်သက်တုန်းလား
ရင်ကွဲပက်လက် ငိုချင်းချတုန်းလား
ဆန္ဒနဲ့ဘ၀ တစ်ထပ်တည်းမကျတိုင်း
ရှိုက်ရှိုက်ငိုတုန်းပဲလား
 
မိပျင်းရယ်…မေတ္တာငတ်မလေး
အဆိုးထဲက ကောင်းကွက်ကိုရှာရင်း
ရှာမတွေ့တဲ့အခါတိုင်း ဖြစ်ရလေခြင်းဆိုပြီး
တနင့်တပိုး ဒဏ်ရာတွေကို
အနာဖေးထပ်ခွာပြန်ပြီလား
ဝေးနေတာပဲကောင်းပါတယ်လို့ တွေးမိနေပြီလား
မလွမ်းဘူးလို့ ဟန်ဆောင်နေတုန်းလား
ဘ၀အနာတွေရင်းလာတိုင်း
သေရာပါအောင် မျိုချနေတုန်းပဲလား
 
မိပျင်းရယ်…မြက်ရိုင်းမလေး
ရောက်လေရာမှာ လောကဒဏ်တရားကို
မျက်စိဒေါက်ထောက်ကြည့်ရင်း
မြက်ရိုင်းတစ်ပင်လို
အလေ့ကျ ပေါက်တုန်းပဲလား
များများခုတ်လေ ပိုသန်လေ လို့ အံကြိတ်ဆိုတုန်းလား
နွေနေပူကို အံတုခေါင်းမော့နေတုန်းလား
မိုးခေါင်…ရေတွေရှားလာတိုင်း မြစိမ်းရောင်အတိတ်ဟာ
လွမ်းလောက်စရာမရှိဘူးလို့ လိမ်ညာနေတုန်းပဲလား ။
 
 
 

ဆုတောင်း

နှုတ်ဆက်ရွက်ကြွေ ၀တ္တုရှည်ရဲ့ ဇာတ်သိမ်းပိုင်းကိုရှာမတွေ့ဘူးဆိုပြီးခဏခဏပြောကြတယ် ။ တကယ်တော့ နှုတ်ဆက်ရွက်ကြွေ ဇာတ်သိမ်းပိုင်းက ရေးလက်စတန်းလန်းရှိသေးတဲ့အပြင် စာရေးတာနဲ့အဆက်ပြတ်သွားလို့ မုဒ်တွေပျောက်ပြီး ဇာတ်သိမ်းပိုင်းကို ရေးတာ သဘောမကျလို့ မတင်ဖြစ်တာပါ ။  နှုတ်ဆက်ရွက်ကြွေ ဇာတ်သိမ်းပိုင်းကို ၂၀၁ရ ကျရင် မုဒ်တွေဈာန်တွေသွင်းပြီး ရေးပေးပါ့မယ်နော်။ လောလောဆယ်တော့ အချိန်မပေးနိုင်လို့မရေးဖြစ်သေးတာ ။ တကယ်တော့အဲဒီ ဇာတ်လမ်းလေးက တကယ့်ဖြစ်ရပ်မှန်ကို အခြေခံပြီးရေးထားတာပါ ။ တချို့အကြောင်းအရာတွေကလွဲရင် တော်တော်များများက ဖြစ်ရပ်မှန်ဇာတ်လမ်းပါ ။ သေသေချာချာအာရုံစိုက်ပြီး ရေး၇မှာမို့ စိတ်ရောကိုယ်ပါ အားမယ့် ၂၀၁ရ မှာမှ ရေးတော့မယ်နော် ။ ပြီးတော့ ဇာတ်သိမ်းပိုင်းရှာမတွေ့ဘူးဆိုပြီး facebook ပေါ်မှာရော email , comment တွေမှာပါ ပြောပေးကြတဲ့ စာဖတ်သူတွေကိုလည်းတကယ်ကျေးဇူးတင်ပါတယ် ။ ဇာတ်သိမ်းပိုင်းမှာ တန်ပိုတွေပိုတက်ဦးမှာမို့လို့ ခုတည်းက စောင့်မျှော်ပေးပါလို့ ။

စာရေးတာနဲ့ပက်သက်ပြီးပြောရရင် ငယ်ငယ်လေးတည်းက၀ါသနာပါခဲ့ပါတယ် ။အားရင်လုပ်တာက စာရေးတာနဲ့စာဖတ်တာပဲ ။ ငယ်ရွယ်နုပျိုစဉ်တုန်းကတော့ ခံစားချက်ဟူသမျှကိုကဗျာပြောင်းနိုင်ခဲ့တယ် ။ စာတွေရေးနိုင်ခဲ့တယ်.. အသက် ၂၅ ကျော်လာတဲ့နောက်ပိုင်းမှာတော့ ကဗျာတွေလည်းရင်ထဲမှာမပွင့်တော့တဲ့အပြင် ပြောချင်တာခံစားချက်တွေကိုတောင်မှ ချရေးချင်စိတ်မရှိလောက်အောင် နှလုံးသားတွေမာတင်းလာခဲ့တယ် ။ တကယ်တော့ ကိုယ်က သစ်ပင်လေးတွေ၊ စမ်းချောင်းလေးတွေ ၊ တိမ်ပြာပြာလေးတွေ ကိုချစ်တယ် ။ ကျေးလက်တောတန်းလေးတွေကိုမြင်ရင် ရင်ထဲစာတွေသီလာတယ် ။ စင်ကာပူကနေ အင်ဒိုကိုလှေစီးပြီးသွားတဲ့ နာရီဝက်အချိန်လေးမှာတောင် ပင်လယ်ပြာကိုမြင်ရင် စာတွေရေးချင်လာတယ် ။ ခံစားချက်တွေလတ်ဆတ်လာတယ် ။ ဒါပေမယ့် နိစ္စဓူဝ သုတ်သုတ်သွား သုတ်သုတ်လာ နေရတဲ့ဘ၀မှာ စာဆိုတာဟာလည်း စာကလေးလို ဝေးဝေးကိုပျံပျံသွားတော့တာပါပဲ ။

ရင်ဘတ်ကြီးနဲ့ စာရေးနိုင်တဲ့ ကနေဒါက မလေးအိမ့်ချမ်းမြေ့ ၊ စင်ကာပူသူ အချစ်နဲ့ အသက် ၊  သွားသမျှကို သေသေချာချာချရေးတတ်တဲ့ အမေရိကန်သူ မစန်းထွန်း တို့ကိုသိပ်သဘောကျတာပဲ ။ နှလုံးသားတွေနုဖတ်လတ်ဆတ်နေလိုက်ကြတာ ။ တချို့က စာကောင်းသီချင်းကောင်းကိုထွက်အောင်  မူးယစ်ရီဝေစေတဲ့ အရာတွေ ဆေးတွေမှီဝဲပြီးရေးကြတယ်တဲ့ ။ ကိုယ်ကတော့ မူးယစ်စေတဲ့ ၀ိုင်လိုအရည်မျိူး နှစ်ခွက်လောက်ဝင်တာနဲ့ ရောက်ရာအရပ်မှာ ခေါင်းထိုးအိပ်တတ်တဲ့သူဆိုတော့ မူးယစ်ရီဝေစေတဲရာတွေနဲ့အဆင်မပြေဘူးရယ် ။ ဒီကြားထဲ အချိုတွေဘာတွေရှောင်ထားတော့ ဦးဏှောက်မကြည်….စိတ်ဖိစီးရင် ရေခဲမုန့်စားချင်ပေမယ့် စားတာနဲ့မတန်အောင် workout လုပ်ရမှာစိုးလို့ စားကိုမစားဘူး ။ ဒီတော့လည်း မကြည်လင်တဲ့ နှလုံးသား နဲ့ ဦးဏှောက်ပေါ့နော်။

ဘာပဲဖြစ်ဖြစ် ၂၀၁ရ မှာတော့ ဒီထက်စိတ်ကြည်ပြီး ဒီထက်စာရေးချင်ပါတယ် ။ ဖြစ်နိုင်မယ်ဆိုရင် လုပ်တိုင်းအောင် ကြံတိုင်းမြောက်ပြီး တစ်နှစ်မှာ ရ၅ ခါလောက် ခရီးသွားရတဲ့သူဖြစ်ချင်တယ် ။ လေယဉ်ပေါ်မှာအိပ်ရတဲ့အရသာကိုကြိုက်တယ်ဆိုရင် ဟားကြမလားပဲ ။။ ကိုယ်တော့ လေယာဉ်ပျံပေါ်တက်တာနဲ့ နံရံကိုမှီပြီး ခေါင်းထိုးအိပ်တော့တာပဲ ။ မုန့်ကျွေးထမင်းကျွေးမယ်ဆိုရင်တောင် နှိုးယူရတယ် ။ ပါရမီကောင်းတယ်ပြောရမလား ရွေ့လျားနေတဲ့ အရာတွေပေါ်ကို ရောက်ရင်ခေါင်းတွေလေးပြီး ထိုးအိပ်တော့တာပဲ ။ long haul ကားတွေစီးလည်းအဲလိုပဲ ။ မှတ်မှတ်ရရ ရန်ကုန်ကို ကားလမ်းကနေ တစ်ခါမှမသွားဖူးလို့ သွားတုန်းက စစ်တွေကနေ ထွက်ကတည်းက ထိုးအိပ်လာတာ… ရန်ကုန်ရောက်တဲ့အထိပဲ ။ လမ်းမှာရပ်ရင်တော့ ခဏထပြီး အပေါ့သွားတာတို့ ထမင်းစားတာတို့လုပ်တယ် ။ ပြီးရင် ကားပေါ်ပြန်တက်တာ နဲ့အိပ်တော့တာပဲ ။ ဒီတော့လည်း long haul တွေဘာတွေသွားရတာ သိပ်ပြသနာမရှိလို့ခရီးသွားရင် သိပ်မပင်ပန်းဘူး ။ မှတ်မှတ်ရရ ၂၄ နာရီအတွင်း လေယာဉ်နှစ်ဆင့် (၃ နာရီတစ်ဆင့်  ခြောက်နာရီတစ်ဆင့်) စီး ၊ နှစ်ခုကြား transit time က ၈ နာရီ .. ပြီးရင် ကျည်ဆန်ရထား ၃ နာရီ နီးပါး ဆက်စီး တဲ့ ခရီးတစ်ခုသွားဖူးတယ် ။ လေယာဉ်ပေါ်မှာရော ၊ transit အချိန်မှာရော ၊ ရထားပေါ်မှာရော အိပ်ပဲအိပ်နေတာမို့ မပင်ပန်းတဲ့အပြင် ဟိုကိုရောက်တော့ ထိပ်ဆုံးက ဖလန်းလို့ သူငယ်ချင်းတွေပြောယူရတယ် ။

ဒီတော့ ၂၀၁ရ အတွက် ဆုတောင်းက စိတ်ကသွားချင်သမျှနေရာကို သွားခွင့်ရတဲ့သူဖြစ်ချင်တယ် ။ ဒါမှစိတ်ရောကိုယ်ပါလန်းဆန်းပြီး စာနုနုရွရွလေးတွေထွက်မှာ…။

ဒီစာကိုဖတ်တဲ့သူတွေလည်း ၂၀၁ရ အတွက် ဆုတောင်းလေးတွေတင်ပေးကြဦးနော်။ မျှော်နှေမှာ ။

စကားမစပ် https://hololodilolo.wordpress.com/ ဆိုတဲ့ ဘလော့လေး ဖတ်လို့ကောင်းတယ်း)